Tuisblad
BLOGFOKUSGedigte oor skilderye en/of skilders …  Nature Morte (Breyten Breytenbach) Vandeesmaand fokus ons op gedigte wat oor skilderye en/of skilders handel. Skryf dus ‘n brief aan die Brieweboks en vertel van jou gunsteling ”beeldgedig”. Die beste lesersbrief sal ‘n koopbewys ten bedrae van R250 by ‘n Protea Boekwinkel ontvang. Johann de Lange se brief “Die naelstring tussen die gedig & jou sonnevleg” is aangewys as die wenbrief van verlede maand.
 20 verse in vertaling Twintig Verse in Vertaling - Koos Oosthuysen. Twintig gedigte, gesange en verse in die oorspronklike taal word uiteengesit langs òf ‘n Afrikaanse òf ‘n Xhosa-vertaling. Lees meer oor hierdie besondere inisiatief deur Oosthuysen by Publikasies. “Hierdie bundel het vir my die gestalte van ‘n mirakel. Dit is taalbemagtiging op sy mooiste, diepste en innigste. Daarby laat dit Koos Oosthuysen se liefde vir en sjarmante beheer oor sy twee moedertale, Afrikaans en Xhosa, tot sy reg kom.” - Antjie Krog.
 Omslag Die Namibiese digter Kobus Lombard se derde digbundel, Vlerke vir my houteend, het pas verskyn by Protea Boekhuis. Hierdie verse sluit aan by temas in sy vorige twee bundels o.a. die godsdiensbelewing. Hy skryf in eenvoudige taal en helder beelde oor die skeppingsproses waar die digter soms op loop geneem word deur woorde. Lees meer oor hierdie digbundel by Publikasies.
 Robert Pearce & Peter Snyders “Daar is die staaljie van die Blindes wat die Olifant bevoel het en elkeen het gedink dit is ‘n ander soort gedierte; net so met Peter. Wie ook na Peter verwys sal dit uit hul eie invalshoek doen.” Robert Pearce lewer ‘n persoonlike blik op die digter Peter Snyders, na ‘n vriendskap van 30 jaar. Lees die praatjie, Peter Snyders - nie ‘n Ordinary vriend, wat hy gelewer het by die pasafgelope Woordfees ter viering van Snyders se 70ste verjaarsdag.
 Bitterbessie dagbreek “Ek lees graag gedigte, want taal is vir my belangrik. Die meeste van my tekeninge ontstaan uit woorde. Die beelde wat in my verbeelding ontstaan inspireer my. Ek werk graag met waterverf omdat die tekening `ʼn eie lewe aanneem soos die papier die water en verf absorbeer dit is heeltemal spontaan.” Lees in Brieweboks wat Marie-Alice Boshoff te vertelle het van haar kunsprojek by de Poëziecentrum in Gent.
 Foto: Toast Coetzer Ter ondersteuning van Blogfokus fokus ons weer die aandag op Carina Stander se insiggewende artikel, “Breyten Breytenbach: Die skilderdigter as mitologiese figuur” wat verlede jaar by die geleentheid van Breytenbach se verjaarsdag geplaas is. Vir die navorser is daar ook nog die Indeks van beeldgedigte wat deur Johann de Lange saamgestel is, en in stand gehou word. U is welkom om aanvullings tot dié indeks via die Brieweboks in te stuur vir die opname daarvan.
Lees Jan Pollet se jongste nuusbrief, Poëzie, business as usual.  Sneeu-bol “Een gedicht is als een muziekdoosje. Je moet er lang aan werken en er komt veel techniek bij kijken, maar uiteindelijk is het één harmonisch geheel. (Om deze metafoor nog beter te illustreren, tovert de dichter daadwerkelijk een muziekdoosje/sneeuwbol uit één van zijn vele zakken tevoorschijn) De tientallen vlokjes die je hier ziet, zijn allemaal gedichten. Ze zijn beweeglijk en worden voortdurend door elkaar geschud, maar toch vormen ze één geheel.”
 apostroof “Apostroof is inderdaad ‘n teken wat ons gebruik om aan te dui dat daar iets weg is: die teken staan dus letterlik in die plek van wat ontbreek. Binne hierdie konteks staan die gedigte afsonderlik, en die bundel as geheel, dus in die plek van Rike, my vrou wat in 2007 oorlede is.” Lees die onderhoud wat Marius Crous met Fanie Olivier gevoer het oor Apostroof, sy bundel wat pas verskyn het. By Publikasies is meer inligting beskikbaar.
 Notas uit die empire Hans Pienaar publiseer nuwe digbundel Hans Pienaar het pas sy tweede bundel, Notas uit die empire, gepubliseer. In hierdie gedigte put hy uit sy besoeke as joernalis aan lande so uiteenlopend soos Irak, Noorweë, Mali, China, die Sentraal-Afrikaanse Republiek en Italië. By Publikasies kan meer inligting gevind word.
 Die skyn van tuiskoms “As my pa vir my die vlam van die poësie aangesteek het, dan het Opperman dit laat brand. Dit bly vir my ‘n ope vraag of ek werklik in alle erns my aan die digterskap sou gewy het as Opperman nie in my derde studiejaar professor aan die Universiteit van Stellenbosch geword het nie.” Lees die onderhoud wat Johann de Lange met Lina Spies gevoer het by geleentheid van die keur uit haar gedigte wat pas verskyn het. Meer inligting oor Die skyn van tuiskoms kan hier gevind word.
 wat die water onthou “Water as simbool van sikliese tydsverloop (proses én konstante) is dus vir my belangriker as die primordiale. Water is immers teenwoordig in alle dinge; van die begin van die skepping af (as konstante) en tog is dit ook terselfdertyd in ʼn staat van volgehoue verandering. Soos dit ook die geval is met geheue.” Lees die onderhoud “Eenheid in teenstelling” wat Andries Visagie met Louis Esterhuizen gevoer het oor sy pasverskene bundel, “Wat die water onthou“. By Publikasies is daar meer inligting oor dié bundel te vinde …
|
KLIKBORD
 I.L. de Villiers Die Januskop - Die digter I.L. de Villiers Op die Burger se Boekeblog kan Joan Hambidge se huldeblyk aan die ontslape digter, wat ook ‘n persoonlike vriend van haar was, gelees word. Hierdie huldeblyk was tydens die pasafgelope Woordfees gelewer.
 Marlene van Niekerk Marlene van Niekerk presteer in Nederland In aanloop tot die Nasionale Boekeweek in Nederland het De Groene Amstedammer ‘n meningspeiling geloods ten einde die 21 belangrikste boeke van die 21ste eeu te bepaal. Hiervolgens is Marlene van Niekerk se Agaat 11de geplaas. In die proses stof sy onder andere skrywers soos Philip Roth, Ian McEwan, Haruki Murakami, Dave Eggers en Zadie Smith uit. Lees die berig op De Papieren Man, of die oorskouende artikel op De Groene Amsterdammer.
 Omslag Joan Hambidge resenseer Deur die oog van ‘n naald “Hoe benader ‘n mens ‘n bundel waaraan soveel hype kleef? Hoe maak ‘n mens met ‘n bundel wat met soveel krag en grootmoedigheid gelanseer word? En geskryf is met ‘n hand-van-versoening?” Lees die volledige resensie van Matthews Phosa se bundel op LitNet.
 Simin Behbahani Iranese digter se paspoort gekonfiskeer Simin Behbahani (82), Iran se mees senior en gerespekteerde vrouedigter, se paspoort en reisdokumente is Maandag gekonfiskeer ten einde haar te verhoed om in Parys die Internasionale Vrouedagvieringe by te woon. Lees die volledige berig op The Straits Times se webblad
 Verse in my vingers Breyten Breytenbach - Verse in my vingers Op Book SA is daar ‘n omvattende oorsig geplaas van dié huldeblyk aan Breyten Breytenbach tydens die pasafgelope Woordfees. Daar is heelwat foto’s en videogrepe om te bekyk en te geniet.
 Adél Steyn Die nuwe stemme in die Afrikaanse poësie Een van die besliste hoogtepunte tydens die pasagelope Woordfees was die bekendstelling van Nuwe Stemme 4. Op Book SA is daar ‘n omvattende verslag met foto’s wat gelees kan word.
 Fanie Olivier Fanie Olivier se Apostroof bekendgestel Tydens die pasafgelope Woordfees is Fanie Olivier se nuutste bundel, Apostroof, bekend gestel. Op Book SA is ‘n verslag met meegaande foto’s geplaas. Dit kan hier gelees word.
 Lorin Stein Nuwe redakteur vir The Paris Review Dit is bekend gemaak dat Lorin Stein by Philip Gourevitch oorneem as redakteur van The Paris Review, een van die Verenigde State se spogtydskrifte. Lorin Stein “Lorin has an uncommon literary sensibility and eye for new talent,” het Antonio Weiss, uitgewer van die tydskrif gesê. Lees die volledige berig op die Paris Review se webblad.
 Robert Lowell Videogesprek oor Robert Lowell “As readers today remember the lyrics of Lowell’s Life Studies produced fifty years ago, they might also observe the many ways in which much of today’s poetry resembles those early explorations of self through thoughtful reflection and frank language, an examining of one’s personal situation by a focus on evocative images or exact details.” Op One Poet’s Notes kan geluisterkyk word na ‘n gesprek tussen Helen Vendler en Jim Cuno oor die lewe en werk van die Amerikaanse digter Robert Lowell.
 Elisabeth Eybers & Olga Kirsch Skrywersprofiel van Olga Kirsch op LitNet As ‘n verdere toevoeging tot die omvattende Skrywersprofiele van Sanlam / ATKV / LitNet se Afrikaanse albums, het Erika Terblanche die profiel van Olga Kirsch (1924 - 1997) geplaas. Die profiel kan hier gelees word.
|
