Andries Bezuidenhout. Oopmond in beeld en Facebook

Johannes Prins het ‘n paar foto’s geneem, sommer so op die verhoog, tydens Oopmond by die Woordfees.

Jo Prins

Ronel Nel praat strategie. Foto: Jo Prins

Hier bo sit ek (DJ Stotterman) saam met Ronel Nel (Ingrid Dronker). Vroeg reeds word strategie bespreek en logistiek beplan, veral verversings, waarsonder die kreatiewe proses nie kan vloei nie.

Jo Prins

Danie Marais en John-Henry Opperman van Klopjag. Foto: Jo Prins

Danie Marais (NP van Lykskou) praat oor musiek saam met John-Henry Opperman van Klopjag.

Jo Prins

Niel van Deventer. Foto: Jo Prins

Hier lees Niel van Deventer (Breyten Lykverdag) van sy nuutskeppinge voor.

Jo Prins

Ingrid Dronker. Foto: Jo Prins

Laastens, Ingrid Dronker lees ‘n gedig voor. Rock ‘n roll!

Nou het Oopmond ‘n gat op Facebook ook. Gaan sluit gerus aan, blaai deur die foto’s, lewer kommentaar.

Bookmark and Share

7 Kommentare op “Andries Bezuidenhout. Oopmond in beeld en Facebook”

  1. Dawid Jones :

    Lyk maar na ‘n studentikose spulletjie – Ingrid Dronker, DJ Stotterman, Breyten Lykverdag – come on!

  2. Ronel Nel :

    Ag broer. Have some fun met die woord… En kom kyk na een, dan praat ons weer.

  3. Andries Bezuidenhout :

    Dawid, ek was heel ongemaklik oor die hele spulletjie. Voor die eerste vertoning in Potchefstroom het ek amper onttrek. Maak dit nie ‘n gekspul van gedigte nie? My ondervinding daarvan was toe heel anders. Gee dit ‘n kans.

  4. nee ek stem saam met dawid. dis seriaaas business dié poetry stuff. mens moenie neuk met die goed nie!

  5. weskuslady :

    ek dink dawid het vergeet/verleer dat mens pret kan hê met poësie! oopmond was ‘n uitstekende vertoning. dit het my laat dink aan die Bekgevegte destyds by die KKNK waar die shows totaal uitverkoop was & die volk wat nooit of selde poetry lees, dit gate uit geniet het. en waarskynlik/hopelik as gevolg daarvan tot die Afrikaanse digkuns ‘bekeer’ is! toe was daar ook ‘ander name’ soos Die Koggelaar, Dokter Death, Die Skaamlip, Protea, Rocky, ens. Kan ook nou nie al die name meer onthou nie. Oopmond het iets méér om die lyf vandag – die liriek kom by. Alles impromptu. Poësie kan dus gelees word, bepraat word, voorgelees word, gesing word, geskreeu word …ge-slam word dat jou ore tuit, inderdaad. dit gaan hier om die WOORD, om die gedig, wat jy daarmee op kreatiewe wyse kan vermag, die digter se naam is irrelevant op daardie verhoog – ‘n alias gee maar net ekstra kleur aan die reikwydte van poësie.

  6. Nardus du Plooy :

    David Bra – jy’t vergeet wat is fun! Dink op jou voete! Dink op jou voete! Al is hulle van klei….

  7. weskuslady – Die Koggelaar (onse Louis die Laeveldleeu, as ek reg onthou), Dokter Death, die Skaam Lip … allawêreld, ek onthou nog daai wilde Oudtshoorn-uitvaagsels …