10 Mei. Verjaarsdag - Trienke Laurie
Trienke Laurie
Veels geluk met jou verjaarsdag, Trienke!
Ons hoop dat jy heerlik gaan verjaar vandag en dat die bederf sommer baie groot gaan wees …
Vir die leesplesier van jou lesers plaas ons ‘n gedig uit jou verskamer hieronder.
Vriendelike groete,
Louis & Marlise
Seekat op Minoaanse amphora
(Die kus van Zakros)
Haar oë is twee swart eilande
wat diepkyk in jou hart
Haar arms amper swagtelende sluiers.
Suiers stippel die ranke pote -
vrolike staccato’s voortgesit in borrels.
Sy is ‘n sierlike Minoaanse prinses
met perdebymiddeltjie en golwende lyf.
Twee arms omlyn haar grootoogkop
terwyl die ander pote ‘n ritmiese dans uitklop
Hierdie ongewone ongrillige seekat op die amfora,
prikkel die sintuie -
sy wikkel jou tone; die seekatjie dans
sy dans ‘n Salome sekskat-riel, sowaar!
© Trienke Laurie
