Pieter Odendaal. noord-namibië

noord-namibië

 

duisende klippe lê rondom ons

soos nuuskierige oë

kafferbrak  sê pa deur sy baard

as ons verby ’n padstal ry

 

die geribde dier vreet aan ’n droë akkedis

ovambo’s kyk grootoog na ons bakkie

’n seuntjie draf angstig nader om ons uit te nooi

pa kyk stip voor hom

 

  pa  vra ek

       ja

 

die stal verdwyn agter ons

en die klippe lê tot teen die lug

eendag sal als woestyn wees

en die bakkie die brak die ovambo’s ons

sal toegewaai onder die sand lê

 

  het pa ooit iemand op die grens

           

 nee

 

sy vingers trek styf om die stuur

hy kyk stip voor hom   

en ons bakkie skuurpapier die landskap vol stof

 

die stilte groei tussen ons soos ’n gedig

 

 

(Uit: Versindaba 2010, Protea Boekhuis, 2010)

© Pieter Odendaal

 

 

Bookmark and Share

6 Kommentare op “Pieter Odendaal. noord-namibië”

  1. Marlise :

    ‘n Fantastiese gedig Pieter, wat ‘n hele geskiedenis in ‘n handvol woorde vasvat. Veel meer laat resoneer as wat daar staan. Die laaste twee reëls se beeldspraak eenvoudig hartrukkend. Ek sou meer oor hierdie vers wou sê, maar helaas, ek is nie goed met literêre disseksies nie. Al wat ek wil oordra aan jou is dat die vers my getref het as iets besonders.

  2. Melt Myburgh :

    Ek stem, Marlise!

  3. Lewies Botha :

    Hou van; duim op

  4. Pieter Odendaal :

    Dankie vir die kommentare. Dit doen mens goed as jy hoor dat die swoegsessies nie verniet was nie.

  5. Desmond Painter :

    Inderdaad ‘n pragtige gedig. Mal daaroor.

  6. Sandra Plekker :

    So mooi!