Juan Coetzer. Elegie vir Kalin

Elegie vir Kalin

Namens Greyling van Niekerk, ‘n skoolseun

 

Die .22 klap – die apie val dood.

Sy sal nie weer baldadig

in die bloekombos baljaar nie.

‘n Blouaaptrop is hul voorbok kwyt.

 

Die verskil verstaan ek nie:

aap of mens? koeël of mes? bos

of Gimmies? Dis dieselfde nekwond.

Ons trop is ook ‘n maat minder.

 

 

© Juan Coetzer

 

Bookmark and Share

Comments are closed.