Lize Viljoen. Die eerste skote van winter

skemeraand

skemeraand

 

 

 

 

 

 

 

 

 

 

 

 

 

Sterk skemer vanaand wagtend op die

nommer 3 bus, wat teen die bult op loop,

die bome by die militere basis oorkant

met hul dun swart stamme vreemd

gegroepeer takke teen die lug, amper soos

faksies, afgetakel met hul opgeskorte

rantsoen van blare.

Op die sypaadjie langs my het een

op die bal van sy voete gewieg,

dun en swart soos die silhouette

van die bome, sy oe onleesbaar.

“sprake van oorlog kom oor die radio”

Ek voel moeg en vreemd moedeloos.

Oorlog in die winter moet die slegste

soort van skermutseling wees, hier

waar die eerste sneeu begin val,

groot wit sarsies vlok vlok in die strate.

Niemand praat meer oor die naderende

storm nie.

Bookmark and Share

Comments are closed.