Bertolt Brecht – vertaling in Afrikaans

Bertolt Brecht – vertaal deur Peter Louw

 

Die pruimboom  

 

Langs die woonstel staan ‘n pruimboom

waaroor ek my ontferm,

met draad en latwerk daaromheen

om dit te beskerm.

 

‘n Minuskule boompie

te midde van beton,

‘n dwerg wat nie kan groei nie

want daar is te min son.

 

Oor sy aard is daar soms twyfel;

hy dra nie pruime nie, dis waar,

maar dis beslis ‘n pruimboom,

mens sien dit aan die blaar.

 

(Der Pflaumenbaum. Bertolt Brecht)

Bookmark and Share

Comments are closed.