Zandra Bezuidenhout. Sintese

SINTESE

 

Ons vroegtes is `n viering

gestrik in bloeiselgoed

 

drome word traer gelint

nagedagtes hang verlep en los

 

verdriet staan ingebind

in die rouringe van bome

 

alle waarwordinge plant voort

in bas en mospatrone

 

intussen knoop ons digitaal

die kosmos in koeplette vas

 

uit aanvange en sluitstukke

wat tik in skulp en klip.

 

 

©  Zandra Bezuidenhout, 2011

 

Bookmark and Share

3 Kommentare op “Zandra Bezuidenhout. Sintese”

  1. Pieter Wolmarans :

    ‘n Aangrypende gedig! Veral “verdriet staan ingebind / in die rouringe van bome” is onvergeetlike reëls. Dankie hiervoor, Zandra.

  2. Zandra Bezuidenhout :

    Pieter, jou opmerking word waardeer. Dankie.
    Zandra

  3. Alta Botha :

    Zandra, sal graag kontak met jou wou maak. Alta