Andy Fierens – vertaling in Afrikaans

Andy Fierens – vertaal deur/ vertaald door Francois Le Roux

 

 

nooit word ons êrens uitgenooi

 

nooit word ons êrens uitgenooi en as mense ons wel ʼn keer vra

dan gaan ons nie, ons is so anders, ons droom van anemone wat suig

aan die houtbeen van ahab, aan sukkelaars wat krummels gooi

na ‘n sleutelhouer-eendjie, quizmeesters en werkersmiere

wil ons i.k. van ons weet, en ons antwoord dat ons nie die vraag verstaan nie

ons weet slegs dat enige-een wat ons huis binnekom hul streng moet hou

by interne orde-regulasies

 

ons het gillend vanuit die lig geval, is omring deur starende konyne

wat suurmelk drink uit ‘n harige bak, onder die wanindruk van alleenheid

besnuffel hulle hulself, en as hulle bedruk raak is daar altyd iemand

wat ons pret bederf deur met hulle te begin speel

 

misterieuse oorgewig meisies stap daagliks voor ons vensters verby

hulle hoop op rampe, katslingers in hul diepste wese, en let tog op

die geruis van a’s en o’s, gerugsteun deur ‘n simfonie van kwaakdiere

as hulle lang sinne praat oor die vernietigingsmeganisme van ‘n wolk

 

hulle is die soort wat die reeksnommers van hul borsinplantings invul op hul

lottokaartjies, die soort met ʼn volmaakte skoptegniek wat dan eerder tennis speel

hulle is die armes wat die vet jare namaak met ‘n opblaaspens en dis hulle

wat sê london bridge is falling down, so jammer jy kon nie daaronder staan

maar ons oordeel hulle nie, ons sê maar net dat die beste psigoloë sweer by nekskoot-terapie

 

ek voel so alleen, sê elkeen wat ons teëkom (die pa’s en die tieners

en die skaamspleetboelies) – kyk, ons is geen pseudo-moraliste wat hul wederhelwe

bedrieg met ‘n transseksuele lookalike nie, ons is geen diewe in die nag wat met knuppels invaar

in die hoenderhok van armsalige wedergeborenes nie, ons sê gewoon dat solank

‘n inwoner van doosdrif ‘n doosdrifter is, dat solank daar onskuldige idiote

met onskuldige idioot-verdriet is, ons sê eintlik maar net dat die wat die laaste van die mohikane

was miskien heroïes en cool lyk, maar die feit bly dat hy elke aand sy eie skottelgoed moet was

 

ons laat ons nie bestraal daar waar geen kanker kan bykom nie, ons vlieg

nie na die maan om die aarde te kan sien nie, ons is geen freaks wat voor die oë

van hul kinders die wêreldrekord vir paaseiervangste verbreek nie, ons is geen

boere-blondines wat in mendeljev se tabel verskyn as element

sonder eienskappe nie, ons is geen kulturele praatjiesmakers wat uit

volle bors laat roep liewer ‘n muitery op die bounty dan verveling op ‘n veerboot

 

o, ons vergader bedoelinge, o ons vergader liefde en haat en seemansliedjies

en dit is nie dat ons nie met u wil praat nie maar ons lustetabernakel moet dringend

in vir reparasies, nee ons gaan nie daaroor lieg nie, ons spandeer liewer

die res van ons dae om ons leë plastieksakke mooi reg te sit as wat mense gedurig

na ons verwys as draadtrek-drilsersante al kloekende rondom lustige hol-tes, of nog erger: as

haarkappers met handkrampe, ons moet slaan en salf, slaan en salf, veral slaan

 

daar is hulle wat hulle cd’s in koffiefilters bêre, daar is hulle wat nie kan oorleef

sonder suiganarol of lekamydose nie, en daar is hulle wat hoog en laag sweer

dat klankdigte onderbroeke ook geur verbeur en daar is hulle wat voet in die hoek sit

op deurnat paaie, hosanna skree op skerpe draaie maar ons spreek geen oordeel

daaroor uit, ons sê slegs stilte! hier speel mense lugkitaar

 

altyd dieselfde aan jou deur: die spoegbelopenes met die geswolle bene

die meester van atmosfeerbederf, die verneukte huismuis met haar kettingrokende

geskeide boesemvriendin, ons praat maar net, ons is in die modus van suip

ons konsulteer die dame met die tarotkaarte en die dame met die tarotkaarte

sê die lewe is ʼn wonder, en dié van julle stink van onder

 

ons oorleef op brandweerwater en vulkaanas, met wonderbra’s en pepersproei

hou ons onsself omhoog, nie-wetend hoeveel kilowatt geduld ons versprei

aan vriende op hul terugkeer maar dit was baie en met toerisme op sigself

skort daar niks nie, maar ons het onsself groot vrae afgevra toe die viëtnamese gids

aan ons voorstel om teen ‘n lekker afslaggie met ‘n bazoeka die koeie

van sy buurman af te maai

 

ons gooi ‘n fantoombom in ‘n see van mense, die resultaat is popcorn

wat knetter in ‘n skedelpan, ons stuur fanmail na swaarlywiges wat

op dieet gesit word en ‘n rookwors wegsteek tussen hul vetrolle

ons dink na oor die rooi, die geel en die bruin gevaar waaruit ons

luidkeels aflei dat die dodo glad nie so ver gefaal het

toe hy van die gaan-en-vermenigvuldig-pad afgedwaal het

 

daar is diegene wat sê volksmoord is geen doodsake nie, dis statistiek

daar is diegene wat met ‘n luiskammetjie gestolde pasta uit die hare van

hul tandeborsel kneuter, daar is vroue wat wil sterf sodat

hul mans die defibrivibrator kan toets en daar is hulle wat fantaseer oor

spontane selfontbranding maar ons spreek geen oordeel daaroor uit nie

ons sê alleen dat swyg soms erger is as moord, ons sê gewoon

soms moet jy soos ʼn speg ‘n kompromis te lyf gaan

 

ons met ons front row tickets, ons wat soveel waarde heg aan

verteringsgerief, ons wat so ‘n hekel het aan kommuniste wat

beweer dat die opwarming van die aarde ‘n gevolg is van die kapitalistiese

uitbuiting van die seisoene, ons met ons kinkhoes in kabouterland, ons

tel die sirkels van kandinsky en die vere in volière, ons oortree nie

die reëls nie, daarvoor is ons harsings te streng, ons lig ons duime vir

vermoeide helde aan die daeraad van ‘n nuwe shoot out en

tussen ons gesê en verswyg: eens het ons maande gebid dat dit moet ophou

reën maar toe dit eindelik opklaar word ons aangestaar

deur ‘n eindelose kille bloue leegte

 

o carmina carburator, ons is geen lid van vissersklub moed & geduld

ons is geen lid van gimnastiekklub lenig en snel, ons is geen

homoseksuele homohaters, ons is geen deur vrou en god verlate

bystandstrekkers wat pretensievol die bundel 10 poems that will get you laid

gaan sit en lees op die onderklere-afdeling van truworths nie, ons is geen

kulinêre stommerik wat kla omdat die gazpacho koud is nie, ons is geen

esoteriese handsakgrypers wat hulself vandag uitsonderlik in toom

hou omdat mercurius sy marskante bestraal nie

 

ons mag nie kla nie, daar was mooi dae en elke sentimeter tel

en as julle dit werklik wil weet, die mooiste oomblik was toe die kiss and ride

onderbroke blyk te wees en ons inderdaad oorweeg het om gewoon aan te hou ry

 

ons is die cadavre exquis, dit is ons droom: in polonaise verlaat

ons die brandende paleis, duik ons die water in met laventel tussen

die tande, styg ons uit die diepste weer op en lanseer ons onsself

soos ‘n vuurwerk deur die spuitgat van die wit walvis om daarna soos ʼn bruisfabriek

van geure bo die oseane te sweef indigo ligroos geel grasgroen rooi

dit is die droom

 

daar is diegene wat tot rus kom by die gezoem van die magnetron, daar is diegene

wat seesiek word by die gedagte aan ‘n lekkende kraan, daar is diegene wat

swem in haaivinsop om gevaar te bowe te kom, daar is diegene wat

jou blomme skenk en jou daarna te lyf gaan met die vaas, daar is diegene

wie se regterhand lid is van ‘n selfhelpgroep, daar is diegene wat as kleingeld

dien vir haremlose manne, daar is diegene wie se lieflingsdiere getekende

diere is, daar is diegene wat sê dat ʼn melaatse beskou kan word as ʼn heilige

maar ook as ‘n legkaart van 1000 stukkies, daar is diegene wat glo dat alles

beter word deur die lees van boeke met titels soos die wonderbaarlike

facelift en 99 ander moderne mirakels, daar is diegene wat leef volgens die leuse

the groove is on the move & die wêreld draai rond & stuur tog groete

aan jou katelwonde, daar is diegene wat ‘n bekerhouer op ‘n kanon vasmaak

om met die terugslag na die skoot bierskuim te kan kry

daar is diegene wat van koerasie smulgeluide begin maak,

daar is diegene wat opgetjaarts word deur geriatriese divas, daar is diegene

wat beweer dat oordaad baat, daar is diegene wat kug

totdat hul derms soos ‘n lasso uit hul bekke vlieg, daar is diegene wat sê

liefde is om totaal futlose weerstand te bied, daar is diegene wat bid vir

die heil van die wêreld, daar is diegene wat bid vir ‘n goed funksionerende

maagklep, daar is diegene wat hul deur botox laat inpomp met ʼn tuinslang

en daar is diegene wat ure lank jou knaend kan beklets sonder om iets sinvol te sê

terwyl jy eintlik dringend op pad moet wees maar na wie jy tog bly luister

uit simpatie of ter wille van ‘n sekere vorm van medelye want nie selde

betrek dit op sosiaal geïsoleerdes nie en omdat jy dink dat dit uiteindelik wel êrens

heen sal lei bly jy kalm, maar tog blyk dit op die einde altyd weer

dat daar geen punt is aan hul verhaal nie, geen einde, geen boodskap, nada, niks

slegs verlore tyd, daaroor spreek ons geen oordeel uit nie, maar as ons ewenwel

mag saamvat, ons bedoel gewoon, ons wil maar net sê, nooit

word ons êrens uitgenooi en as mense ons wel ʼn keer vra dan gaan ons nie

 

Vertaling van die gedig NOOIT WORDEN WIJ ERGENS UITGENODIGD

deur Andy Fierens

(Vert. Francois Le Roux, 2012)

 

Andy Fierens

Andy Fierens

Andy Fierens is dichter en performer. Zijn hilarische en genadeloze teksten, zijn voordracht hamerend als het ritme van een repeteergeweer, hebben cultstatus van België tot Japan.

 

Hij bezit het brulgehalte van Johnny The Selfkicker, de absurde levensvisie van Gust Gils en de punk power van John Cooper Clarke. Zowel solo als met zijn groep Andy & the Androids overrompelt hij de toeschouwer met zijn verbale oerkracht.

Zijn bundel ‘Grote Smerige Vlinder’ werd bekroond met de Herman de Coninckprijs voor het Beste Debuut. Uit het juryverslag: ‘Potige testosteronpoëzie van een dichter die wijdbeens in het leven staat en met een glimlach in de klerezooi stapt.’

Romantiek op zijn Fierens’. Dichter zonder vrees!

 

 

Bookmark and Share

Een Kommentaar op “Andy Fierens – vertaling in Afrikaans”

  1. Pieter Wolmarans :

    Lyk my hierdie man is desperaat op soek na vrou. Sien op De Contrabas die volgende advertensie: “Huwelijksadvertentie Andy Fierens (man), trotse dertiger met baard en mormoonse roots. Gevierd dichter, geen vast inkomen. Houdt van lezen en schrijven, tooghangen hier en daar. Levensgenieter met humor.

    ZKT geschikte partij om mee te trouwen op zaterdag 14 januari. Want kan de eenzaamheid en emotionele onzekerheid niet meer aan!

    Ben jij die merrie/hengst met uitstraling, niet onknap, die houdt van delegeren, huishouden en zorgen voor de kinderen? Ben je niet onbemiddeld (want moet Andy af en toe onderhouden) en op zoek naar liefde en affectie?

    Stel je kandidaat voor vrijdag 13 januari, 12u middels een mailtje naar femke.vanpoucke@arenberg.provant.be (foto wenselijk).

    Gaan kyk by: http://www.decontrabas.com/de_contrabas/2012/01/huwelijksadvertentie-andy-fierens.html

    Die tyd is min.