Johann Lodewyk Marais. Kameel

KAMEEL

Camelus dromedarus

 

Die dromedarus is ‘n telganger,

‘n huisdier met smal neusgate

wat hy teen waaierige sand toehou,

klein oorskulpe en ‘n harige bolip

om met sy groot hoek- en snytande

harde woestynplante af te knibbel.

Met sy breë voete met drie vinger-

en toonkooitjies op die duineveld

kom sy slingerende gang op dreef

en loop hy die warm son tegemoet.

By die laaste oase suip hy hom

welgeluksalig dik en hoor laataand

hoe die Bedoeïene die lang nag deur

om die vuur van sy misbolle rinkink.

 

 

©  Johann Lodewyk Marais  2012

Bookmark and Share

2 Kommentare op “Johann Lodewyk Marais. Kameel”

  1. Die kameel lewe in elke versreël! (Ek lees nou Malie Smuts.

  2. Johann Lodewyk Marais :

    Hennie, ek is bly jy lees prof. Malie Smuts se boek oor die kameel. Ek besoek ook graag Onderstepoort se biblioteek …