Zandra Bezuidenhout. Gesprek met ‘n kunswerk

Gesprek met ’n kunswerk van Marlise Joubert

 

Om my is alles blou en beweeglik

soos in jou droomtaal skildery van indigo

wat op die voorgrond vloei

branding van pers tot diep asuur

die ene roering

tot ligter tinte aan die rand

gedagtes na ‘n heuwellandskap hewel

deur die dal van groen die blik lei

oor ’n helderder moment van water

en  aan die oorkant die wandelende oog intrek

na skaamwit huisies op die kantelende horison

wat hul geheime na die kyker kaats

om  die pupil vir oulaas te vermaan

dat agter die blos van klonterende wolke

roos en oker drome dans.

 

© Zandra Bezuidenhout

9 Mei 2012

Ongetiteld. Marlise Joubert

Ongetiteld. Marlise Joubert

 

 

 

 

 

 

 

 

 

 

 

 

 

 

 

Bookmark and Share

Comments are closed.