Zandra Bezuidenhout. Fees van die skrywers

Fees van die skrywers

Writers Unlimited Festival, Den Haag

 

Onthou jy nog die salsa in die voorportaal

die vlugge voetwerk van die dansers

die polsmaat van ‘n klein orkes

waar skrywers en besoekers  woorddronk

tussen stasies afreis

om  in die lende van die nag van saal tot saal

blinkvet olywe, borrels  filosofie en poësie

vir droër dae te kom haal –

na maande flikker dit in die gedagte

die drukte om die boeketafels

die dolle praatjies en gelag van ingewydes

maar in onverwagte kronkels

klop veral

die tamtam van die salsa

in die voorportaal.

 

© Zandra Bezuidenhout. 2012

Bookmark and Share

2 Kommentare op “Zandra Bezuidenhout. Fees van die skrywers”

  1. Evette Weyers :

    Heerlike gedig Zandra
    Evette

  2. Zandra Bezuidenhout :

    Dankie, Evette, ek is bly die “heerlikheid” het deurgekom.
    Zandra