Melanie Grobler. Koraal op die palm van die maan

koraal op die palm van die maan

                                                                                         volgens ‘n Sjinese koan.

 

 

Elke druppel

wat val

 

soen

die aarde

 

verwronge tak van die boom

peerboom

asem wasem in

 

streel

die nat buik

van blare

 

oor wie droom die rots

as dit nie reën nie?

 

koraal reik met wit hande

na die gefluister van golwe

 

stories van die sand

en die manier waarop die hemel

die melodie van blou vashou

 

geen ander tyd

so mooi soos

hierdie moment

voor die dou buig oor die blom

 

as die denke oopvou

vloei ‘n warm rivier

na die see

 

maan sing

van die opkoms en die val

 

so lank al wag ons op hierdie stilte

 

een enkele druppel wat langsaam val.

 

 

© Melanie Grobler, 2012.

Bookmark and Share

Comments are closed.