Carina Stander. Die weerlig is die naglug vol

die weerlig is die naglug vol

 

met lokaas kom ek na jou toe

waar jy in die skadu van ‘n bosvy lê

verdoesel teen korsmos en gevlokte rots

 

kom nader, wilde maat

kom maar nader

teen alle eeue van beskawing in

dat jy kan sien

die waterlelies van my oop hande

koud en bloupers soos organe

 

die aarde veraar en klop ondervoets

modder kruip teen my kaal enkels op

maar ek fluisterstap na jou

dat jy moet ruik

dat jy moet weet

hoeveel ek vrees

en verlang

Bookmark and Share

Comments are closed.