Versindaba
~ 'n Kollektiewe weblog vir die Afrikaanse digkuns ~

Die afgelope weke het Enrico Lommerte, Nederlandse digter, ’n interessante projek via FaceBook geloods. Hy het naamlik gedigte aangevra ter ere van Ingrid Jonker en haar verjaarsdag op Woensdag, 19 September. Dié gedigte is nou as “huldigingsbundel” beskikbaar op sy webblad en kan volledig afgelaai word.

Op navraag het hy onderstaande brief aan Versindaba gestuur.

Die skakels na sy webblad e.a. relevante kuberruimtes volg onder aan sy brief.

Geniet dit.

Redaksie.

***

Ingrid Jonker

Ek is ‘n Nederlandse “stokperdjie-digter” met ‘n passie vir die Afrikaanse taal en Ingrid Jonker. Ek hoef hier nie uit te brei nie oor haar betekenis vir die Afrikaans en die digkuns, die is baie bekend oor heel die wêreld. Haar lewe was vol van teënstellings en die einde tragies. Sy is nu ‘n ikoon met mitiese status haas. Vir my blyf sy die vrou, geliefde, moeder die pure taalgebruik om my te bereik, om haarself te bereik en ‘n plaas te geef in die chaotiese wêreld om haar heen.Te jong is sy heen gegaan, maar nog immer spreek die golwe haar taal van pyn maar ook liefde!

Die gedagte was eenvoudig; hoe kan ek daarvoor sorg dat haar geboortedag nie onopgemerk verby gaan?

Ek het aan my vriende op Facebook gedink en het die stout skoene aangetrek om hulle te vraag een gedig of ‘n verhaal oor Ingrid en hulle self te skryf. Ek het die gedigte op 19 september op my Facebook bladsy geplaas en ‘n elektronies bundeltjie gemaak ter herinnering vir hulle die mee gedoen het. Dat is al.

Baie mense syn entoesias oor die resultaat. Ek dink vir Ingrid en die Afrikaans ‘n mooi teken.

Die gedigte in die bundeltjie syn baie divers soos die mens is, maar almal spreek van liefde en tederheid, seer en vrolikheid, kortom van al wat ‘n menselewe is…

‘n Paar voorbeelde:

fragment (ingrid)

jou lewe bly
getafereel
in kaleidoskoop
van kleur
nie alles lanfer
nie alles swart
gemetafoor
nie alles in wit of geel
van calla lelies
of pointsettia se rooi
want selfs op winterdistels
is liewenheersbesies
so sigbaar
soos op namakwalandse daisies
in die lenteson

en fragmente van jou woorde
spoel nog in branderbreek
soos skulpgruis
na die strand

die dood
bly léwe
soos in
brokkies nagmaalsbrood

Marie Bredenkamp

—

Naggesprek met Ingrid

Hier is ek gelukkig
waar boek teen boek
soos soldate op parade staan.

Hier is ek gelukkig
waar tamboer en viool in laatnagte
droefgeestig ween om my bestaan,
waar woordstrome deur ver klowe kabbel
deur gees en siel begaan.

Hier is ek gelukkig
in harmonie met bundels,
bybels en musiek,
verstrengel in git ge-etste woorde
- soms vertroostend, soms mistiek-

Hier is ek gelukkig,
peins ek oor my eng bestaan,
my afgemete paaie,
die kronkels van my toekomsbaan.

Tog, soms begeer ek joú geluk
gemeer aan ‘n verlate kaai,
dromend in joú wier en gras …
vergete …
in Drieankerbaai.

Charles Binoir

—

ontmoeting met het Hartseerkind

ergens heb ik het altijd geweten
dat jij er was

staarde ik in een spiegel
zag ik je wegkijken
je reflectie in een plas
verkringelde
een ruit in een winkelstraat
bestoftte jouw gelaat
maar naast mijn schaduw
zag ik de jouwe
je legde je arm om mijn schouders
en ik voelde je fluisteren

“vergeet niet Drieankerbaai
laat mijn golven spelen
in de koude winternacht”

Enrico Lommerte

Vir volgende jaar, 2013, haar 80e geboortedag, dink ons (ek is ons geword:-)) aan ‘n baie groots gebaar!

Site Enrico:  

http://pastuiven.wordpress.com

Download: http://lommerte.wordpress.com/ingrid-jonker/herdenkingsbundel-2012/

Groetenis,

Enrico