Gerda Taljaard. ek neem haar naam

Las Dos Fridas [Die twee Fridas], Frida Kahlo (1939).

Museo de Arte Moderno, Meksikostad

 

 

ek neem haar naam

 

ek neem haar naam in my mond

om my die vrankheid van ’n lewe

in spaans te verbeel       proe die brandende woorde

en soet wonde van ’n helleveeg              

diego rivera se derde vrou

bedônnerd van pyn        aan’t verf in haar kombuis

opeens oorval deur musiek        

uit ’n ander ryk

 

ek breek uit in bloedsweet

hart klop              buite my lyf

sny my                  los                         

van die ander frida

slaan my

tot beskermheilige

van krankes, kinderloses

en masochistiese

saligheid.

 

 

 

Bookmark and Share

Comments are closed.