Jaco Barnard-Naudé. Mars – Velázquez

 

DR Velázquez  Descanso de Marte (1640)

 

Mars – Velázquez

 

Die wat weet sê jy’s lewensmoeg,

maar vir my lyk jy net horny,

badhuis-daddy

lank ná middernag,

 

of jy afkom van ‘n trip,

strydhelm vergete

en die snor, o daai snor

soos die snor van Chad Douglas

in eighties video smet.

 

Maar dalk is jy tóg moeg,

moeg van al dié cruising

vir jou perfect bottom,

want jy,  jy’s beslis ‘n top.

 

Ek sien dit in die skouers,

jou ken, nog macho man,

lok uit vanaf daai vuis,

snaargespande kuit,

jy’s nog lank nie klaar nie, né?

 

Dit behoef niemand om die blou

lendedoek Duchamp-agtig

af te skilder nie –

ek ken die belofte wat daar hou,

 

maar dalk ís jy moeg,

verloopte god, van fight

met flirty lovers in die klubtoilette,

van nou en dan nog wroeg,

 

want wie sal die skild opneem,

die lendene omgord

as dit dan tyd word

 

vir die oorlog in jou bloed

waarvoor jou donker oë reeds boet?

 

 

 

Bookmark and Share

Comments are closed.