ATKV-Woordveertjiefinaliste vir poësieprys bekend gemaak

Dit is amper weer tyd vir die jaarlikse ATKV-Woordveertjies wat vanjaar op 13 September by D’Aria in Durbanville plaasvind. Dié toekennings het ten doel om uitsonderlike prestasies rondom die Afrikaanse woord te bekroon en die finaliste in die onderskeie genres is pas bekend gemaak.

In die afdeling vir poësie is drie digbundels benoem, te wete Pirouette  van Aniel Botha (Queillerie), Kry my by die gewone plek aguur van Loftus Marais (Tafelberg) en Om die gedagte van geel  van Petra Müller (Tafelberg). Ons gelukwensing gaan aan al drie digters; welverdiend inderdaad.

Lees gerus sowel die onderhoude as die resensies wat ten tye van dié bundels se verskyning op Versindaba verskyn het. Die volledige berig kan hier op BooksLive gevind word.

Onderhoud met Aniel Botha. Resensie oor Pirouette deur Tom Gouws.

Onderhoud met Loftus Marais. Resensie oor Kry my by die gewone plek om aguur deur Marlies Taljard.

Onderhoud met Petra Müller. Resensie oor Om die gedagte van geel deur Joan Hambidge.

 

***

 

 

Bookmark and Share

Een Kommentaar op “ATKV-Woordveertjiefinaliste vir poësieprys bekend gemaak”

  1. Johan Adendorff :

    Interessant dat bundels wat maar bra power resensies gekry het (soos “Pirouette” hier en “in die skadu van soveel bome” vir die Marais-prys) nogal gewild is vir letterkundepryse…