Joan Hambidge. Naam

Naam

 

Ek kon nooit maar nooit jou naam sê

nes jy nooit maar nooit die naam

van ons geheime liefde wou besê.

Jou langsame dubbeldoor-naam

bly te lank in my gemoed draal

soos ‘n swart vergeet-my-nietjie.

Nou het ek oplaas jou naam gesê;

in ‘n klein ritueel suiwer ek my,

vind toevallig vanoggend ‘n amulet:

‘n helende, afwerende dizain.

 

Istanbul 8 September 2013

 

© Joan Hambidge  / 2013

Bookmark and Share

2 Kommentare op “Joan Hambidge. Naam”

  1. Evette Weyers :

    So pragtig en intiem. Tekstuur van fluweel of kant teen ‘n sagte deel van jou lyf.Verruklik!

  2. Esme :

    Hoe hartseer voel ek nou, en ek onthou. Ek onthou hoe dit seermaak as die een vir wie jy voel nie jou naam kan gebruik nie. En ek wonder hieroor, ek wonder hoe ‘n persoon wat jou “liefhet” jou naam kan verwar met ‘n vloekwoord.
    Dalk wonder ek oor die verkeerde ding.