Jaco Barnard-Naudé. In memoriam: Nelson Mandela

In memoriam: Nelson Mandela

na Ingrid Jonker en BB

 

Ek moet huil.

Ek kan nie huil nie.

Vrydag 6 Desember.

Ek moet skryf.

Ek kan nie skryf nie.

 

Op alle gesigte

en in die oë

van alle mense

jou glimlag

en die eiland

van jou naam.

 

Alle voorspellings

koerantberigte

glansbylae

en aanwysings

sug

jou vertrek

herhaal 

jou handdruk.

 

Die neon-bord

helderoordag

langs De Waal-rylaan

maan vir ’n slag

akkuraat:

Hamba kahle!

 

Gister beslis

’n ánder Wêreldbeker.

Vanoggend

Groenpunt-stadion

‘n somber vertoon.

 

’n Ster vlam op

soos ’n vryheidsvuis.

 

Ek moet huil.

Ek kan nie huil nie.

Ek moet sing.

Ek kan nie sing nie.

 

 

 

© Jaco Barnard-Naudé / 2013

 

Bookmark and Share

Een Kommentaar op “Jaco Barnard-Naudé. In memoriam: Nelson Mandela”

  1. carina van der walt :

    @ Jaco: pragtige subtiele sinspeling tussen “moet” en “kan nie” in jou gedig. Dis dieselfe hoendereier-in-die-keel-effek wat mens sukkel om af te sluk by groot hartseer.