Zandra Bezuidenhout. Naweek weg

Naweek weg

 

In Gordonsbaai word ek herbore

herdoop in die stil water

van drie laatsomerdae

al drywende in die halfslaap en roes

dromend van ‘n kindertyd

tussen seegras skulp bamboes

kom alles terug

net die lenigheid het ons verlaat

en die verlustiging gekrimp

tot vis en wyn.

 

 

© Zandra Bezuidenhout / 2014



Bookmark and Share

2 Kommentare op “Zandra Bezuidenhout. Naweek weg”

  1. Gisela Ullyatt :

    Besonderse gedig, Zandra, dankie.

  2. Zandra Bezuidenhout :

    Dankie vir kommentaar, Gisela.