Melanie Grobler. Elgin se appelboorde

Elgin se appelboorde

 

Orion hang oor Elgin se appelboorde

                        voëls met pouslike vlerke

                        roep my toe

 

                        kom hier na ons

                        want haiku’s so swaar

       soos waterpere hang aan ons takke

 

                        gaan stil soos ’n reënbui verby

                        ontmoet die fluisterende blare

                        die lui van die slaaf se klok

 

                        muur van hoop

                        heen-en-weer- vlieg wit duiwe

                        ’n hersenskim uit gister se grafte

 

                        kom nader, kom pluk ’n haiku

                roep ek uit na twee windrigtings

                        na my twee geliefde oupas.

 

               © Melanie Grobler / 2014

Bookmark and Share

Comments are closed.