Lykdig 20: marcelle olivier. kersiewit : dorothy parker

kersiewit: dorothy parker (1893-1967)

 

sou blindheid haar wou neem, intiem,

en dan verlaat, van kersiebome ver verwyder;

narcissus ongesien: aswit,

sy die leë lentewind se drywer.

 

sy die blits wat brand stook onder brûe.

die rook van bloesemheuning

sny lintkwatryne uit die duister lug

se pols, se sening.

 

‘n klein keuse van gifte: vrot appels, jenewer;

‘n dooie kuikendief. in verslane boordland

suf van vloedsout bloei sy sonder hart, die bleek

tou styfgepluk om lewe en onvrugbare sand.

 

 

Bookmark and Share

Comments are closed.