Joan Hambidge. Robin Williams

Robin Williams

 

–  Let be be finale of seem

Wallace Stevens: The Emperor of Ice-cream

 

“I love you. I miss you.

I will try looking up”, twiet

jy vir oulaas voor jy

hierdie wêreld-en-sy-mense,

wat jy so uniek

kon vertolk, abandoneer.

Russies het jy soos blits geleer

en alle stokkies vir ‘n grappie,

selfs eenkeer ‘n twyfelende mevrou vertolk.

Jou blou oë, medespelers,

in ‘n soektog: koning, keiser,

bontvisvanger van gebare en wyshede.

Jy het jou kykers ontstig,

van die lag laat stik,

geïmproviseer,

gedoebliseer,

gefloreer,

geskerpskets: ra-ta-ta-tat-bam-bam

gesnuif,

gesuip

en vir die laaste rol,

‘n grootse animasie,

die djinn vir ewig

uit die bottel

geskaai

toe jy

stik

die knie buig

die keel om-

gordel

sonder

‘n doubleur.

 

 

© Joan Hambidge /2014

 

(Ingegee deur Laetitia Pople se artikel in Die Burger 13/8: “Hy had geen komiese eweknie”.)

Bookmark and Share

2 Kommentare op “Joan Hambidge. Robin Williams”

  1. Gisela Ullyatt :

    Jou gedig ontroer, Joan. Die wêreld gaan nog lank oor Robin treur, ek ingesluit.

  2. Johann Lodewyk Marais :

    Sjoe.