Nini Bennett. The Red Mist

The Red Mist

.

Die woud verkleur

en dra ’n stiltekleed

soos  ’n kardinaal.

Herfs is die strooidood

van gode. Stamme versag

as mis asem, bo-aards deur

die rooi konklaaf van blare.

Stamme raak lank en dun in eerbied

en wag; krone verdwyn

soos rook in ’n houtskooltekening.

Dan vlam die hemel self

in vuuropaal en die towerwoud

word ’n katedraal.

.

© Nini Bennett / 2016

Bookmark and Share

4 Kommentare op “Nini Bennett. The Red Mist”

  1. Ester le Roux :

    ‘n Lieflik, gewyde vers, Nini. Briljant!

  2. sigeuner :

    Esoteries mooi!
    Dit lees soos `n baie diep meditasie. Fyn spel met kleurnuances, mistieke nommers en towerwoud-beelde.
    Dit is lieflik verby.
    Jy doen die film (Red Mist) `n eer aan.

  3. Nini Bennett :

    Baie dankie, Ester en Sigeuner!

  4. Charl-Pierre Naude :

    “Herfs is die strooidood van gode” ! Kan dit mooier?