Bernard Odendaal. Botaniesetuin-rondeau

Botaniesetuin-rondeau

(Potchefstroom)

 

Die tuin wil wildernis, gaan bloumagriet

op suiderberge; wil gaan soetgousblom

op bontebok se wei. Ou vaarlandswilg ver-

lang rivier, stoot vrug vir bonthoutkappers.

Die tuin wil véld-in gaan karee en doringboom.

 

Die weerstasie hier (pypinsek-by-vywer!)

wil snap wat paddas langs rivíére paar-

manel laat dra, paddapoësie laat praat.

Die tuin wil wildernis.

 

Bitterwortel, kalahari-ver vandaan,

staan tuitblom – soos bergtee, sand-ui, vlei-aandblom.

’n Lánd biome word van hier bedroom.

Die wetenskap wil weet wat sonder hom

gebeur; vers beklink wat haar te buite

gaan.                                                                Tuin wil wildernis.

 

 

 

© Bernard Odendaal / 2016

Bookmark and Share

2 Kommentare op “Bernard Odendaal. Botaniesetuin-rondeau”

  1. Dankie, Bernard. Sjie, die rindeau ste nog uitdagings, nè?

  2. Cas Vos :

    Bernard, ‘n treffende gedig.