Hendrik Botha. Wat het geword van

Wat het geword van

 

Ietwat onkant met die vraag:

hoeveel digters is daar in Afrikaans.

Ek skat, seker tweehonderd en vyftig,

almal weliswaar nie lewend meer,

want digters gaan ook dood.

 

Daar’s gerugte van sommiges wat direk

na die hemel sou opvaar,

ander weer met ‘n kortpad

ter helle neergedaal,

 

maar meeste digters gaan,

as ál hulle gedigte geskryf is,

soos gewone sterflinge

nét dood.

 

©   HJB 02/2016

 

 

Bookmark and Share

2 Kommentare op “Hendrik Botha. Wat het geword van”

  1. Gisela Ullyatt :

    Baie treffende gedig, Hendrik.

  2. Hendrik Botha :

    Dankie Gisela