Hendrik J. Botha. Rooikappie revisited

Rooikappie revisited

Franziska Blöchliger  -7/3/2016

 

Jy, jou ma en ‘n hond

op ‘n drafstap deur die Tokai-bos,

jou hare sorgvry los

wanneer jy besluit om ompadlangs

vooruit te draf.

 

Geen houtkapper egter nóú in die verhaal

om die wending te bepaal.

Geen wolf op die toneel om oop te skeur,

jou ongedeerd te bevry,

soos van weleer.

 

Net tekens op die grond

van worsteling en angs,

kneusings aan jou dye, hals,

semenvlekke op jou klere,

 

die wolf se spore in die sand.

 

© Hendrik J. Botha /2016

Bookmark and Share

3 Kommentare op “Hendrik J. Botha. Rooikappie revisited”

  1. HELENE :

    Hartseer

  2. Gisela Ullyatt :

    Roerende gedig, Hendrik.

  3. Hendrik Botha :

    Dankie.