Nini Bennett. Windings

Windings

 

Die gejaag na wind is  ’n industrie.

Die kleur van pastorale herinnering

is groen; ek versin  ’n Herme

wat vlerkvoet en vrymagtig

beweeg, sug in  ’n wilg, reën

uit die veerlig van wolke lees, of

trekvoëls blindvlug om seisoene

roteer. Die windvanger het sy

bekoring verloor. Hoog in lugstrome

kolk aasvoëls uit sentrifuges,

roofkyk vir karkas en kreng,

te skaars om kouevuur in balans

met entropie te bring.

Die dinamo’s draai onverpoos.

 

© Nini Bennett / 2016

Bookmark and Share

Comments are closed.