Gisela Ullyatt. Fragmente en ’n reis.

Foto’s en teks: G.Ullyatt

Foto’s en teks: G.Ullyatt. 2016

fragment-as-inleiding

die middag se long is broos,

verdraaide haikoe, verbreek:

ek bou sillabes teen lig

 

 

deur/van/vuur

1.deur/van/vuur

fragment #1

na-middag in blom:

tatoeëermerke van die son

teen deur en muur

 

2.vuur/en/glas

2.vuur/en/glas

fragment #2

teen badkamerruit

vlek die laatmiddag:

haikoe in vuur

onder in my glas

3.onder/ in /my glas

fragment #3

onder in my glas:

klein Verneukpan krakeluur

ry/want/die/nag

4.ry/want/die/nag

fragment #4

ry, want die nag kom nader

kruip uit stralekrans:

toevallige cliché

 

kragmas/as/wolke

5.kragmas/as/wolke

fragment #5

oker, wolke en kragmas:

onnaspeurbare sein,

die oneindige teer

dra/jou/wol/by/Laingsburg

6.dra/jou/wol/by/Laingsburg

fragment #6

dra jou wol by Laingsburg

verby gerugte van reën:

die Karoo-as-moordenaar

omtes/van/wellinngton

7.omtes/van/wellington

fragment #7

daar was garingbome

naby Swellendam

en ’n vlamrooi Ford

lanskap/as/telegraafpaal

8.landskap/as/telegraafpaal

 

geel/sper/die/streep

8.geel/sper/die/streep

fragment #8

padkaart van droogte

deur beige landskappe

karteer jy ’n matrys

van telegraafpale

sperstrepe

op die pad se grys

wees/geduldig

9.wees/geduldig

fragment #9

stop/go

meditasie in geel

so it goes

Bookmark and Share

7 Kommentare op “Gisela Ullyatt. Fragmente en ’n reis.”

  1. Marlise :

    Heerlik hieraan gelees Gisela. Die gesprek tussen
    foto (of film) en gedig fassineer en trek my aan, altyd. Jou haikoes is soos ‘n vars briesie op ‘n hotsige dag en laat my van al die landsprobleme vergeet vir ‘n wyle. Dankie.

  2. Gisela Ullyatt :

    Dankie, Marlise.

  3. Maria Snyman :

    Terdeë geniet, Gisela! Die spel tussen foto en fragment is uiters prettig – die vertaling van die een in die ander, verskillend-in-dieselfde-ekonomie – albei absoluut uniek, deelnemend aan mekaar sonder om aan mekaar te behoort …

  4. Gisela, maak groot asb. ‘n boek hiervan!

  5. Gisela Ullyatt :

    @Maria, ek waardeer jou terugvoer, baie dankie. Fyn waarneming!
    @Andries, jy sal dat ek idees begin kry en aan ‘n boek begin werk en dit terwyl die eksamenmerkwerk soos Ararat voor my le. Ek het juis ‘n paar ander fragmente waaraan ek tans werk, maar wat in die skribbelboekie-stadium is. Dankie vir jou kommentaar ook.

  6. Etienne :

    Baie geniet, Gisela. Jy is reg op die spoor van die toevalligheid–heerlik.

  7. Gisela Ullyatt :

    Dankie, Etienne. En geluk met jou debuutbundel. Mag dit net van krag tot krag gaan.