Hans du Plessis. KERSBELYDENIS

giotto_crucifixion

KERSBELYDENIS

 

Kleine Jesus, mens van Nasaret,

hoor die hemel en die aarde juig

oor redding uit ʼn voerkripbed.

Laat rym en reël nou ook getuig:

 

Jonge Jesus, seun in Nasaret,

u koms voltooi die ganse wet,

leer van liefde en vergiffenis

in wonderwerk en gelykenis.

 

Grote Jesus, man uit Nasaret,

U het tot die dood toe bang

aan mensehand moes hang,

en als volbring in kruisgebed.

 

Liewe Jesus, God oor Nasaret,

u lewe het my van die dood gered!

 

(c) Hans du Plessis / Desember 2016

Eersterivierstrand

 

Bookmark and Share

Comments are closed.