Charl-Pierre Naudé. Voltrekking

Voltrekking

Svendborg, 2017

 

Diepnag. Nagdiepte.

Bibbering.

Middelwinter.

 

Ek tuur, ná middernag.

Na swane op ʼn meersee.

Skeertuie. Kalkoene van Boeddha.

 

Oop kolle

op ʼn swart skildery.

Die slaaprok van Rothko

 

se geheime minnares.

Oor wie

hy so wit gedroom het.

 

In ongelyke, serene stukke.

Geskeur. En op die water gegooi.

Groot konsternasie.

 

By die afslaer. Die kaaiklok tingel.

Selfs die mooiste, mooiste meisies

(met witste glimlagte)

 

kan soms ʼn stukkie vis wil vang.

Geen grap nie.

Na benede moet duik.

 

Suurstof.

Ruimtevaarders.

Die helderwit pakke.

 

Gewigloos. Skaatsers.

Oor en weer, op en af.

Bo gelyk aan onder.

 

Swart swart swart.

Snorkel nie vergeet nie.

Natuurlik nie. Nag, mos.

 

Fyn kuns. Van wit porselein.

Blaas.

Oggendbeuel.

 

Die buiging van die nekke.

Militêre presisie.

Oorgang.

 

Onderhandeling.

Geslag.

Verekussing.

 

Sneeu. Op die meersee.

En natuurlik

die swane.

 

 

© Charl-Pierre Naudé
Bookmark and Share

3 Kommentare op “Charl-Pierre Naudé. Voltrekking”

  1. Desmond Painter :

    Lieflike gedig.

  2. Yves T’Sjoen :

    Knap gedicht, CP. Ik lees het met jouw permissie voor de vele studenten Afrikaans in Gent.

  3. C-P N :

    Dankie vir die waardering, Desmond en Yves. Ek hoop dit gaan goed met julle albei. Ek het so pas die artikel oor Herbert en BB gekopieer, Yves, en wil dit straks gaan lees met die aandag wat dit verdien.