Eunice Basson. Bloedmaan

Bloedmaan

By die dood van  Tom Gouws

 

Miskien het die digter sy potloodsak

reeds oopgerits, op dié eenmalige sfeer

gewag om tot Teken te verwoord –

sterflinge, soos ons almal,

sal vir jare nog hierdie skouspel

in stories oorvertel –

Miskien sou hy juis daardie aand

vredig wou boeke vat

om aan dié godswonder, soos die gras

van die veld, nederig dank te bring

toe die duisternis hom (voortydig) oorval.

 

 

© Eunice Basson, 2018.

 

 

Bookmark and Share

Een Kommentaar op “Eunice Basson. Bloedmaan”

  1. Andre Scheepers :

    Hou van Eunice se “oopskryf” Het ‘n soortgelyke gedig in 1970 oor N P Van Wyk Louw geskryf.