René Bohnen. Stilbaai blou

 

Stilbaai blou

 

Ook ʼn slak skryf met sy lyf:

stileer begrafnisbriewe in die sand

vir bloublasies wat laveer

tot op die strand

 

Deurskynkleur doebleer

vir oulaas

ʼn klam klein Vermeer

 

© René Bohnen / 2018

 

 

Bookmark and Share

5 Kommentare op “René Bohnen. Stilbaai blou”

  1. Gert van der Westhuizen :

    Mooi dankie Rene – vir meer en minder, in kleur…

  2. Elza Lorenz :

    Lieflike treffende gedig, al strandlopend …

  3. Thina Olvier :

    Og.. Dit is mooi!

  4. René Bohnen :

    Dankie Gert, Elza en Thina, vir julle lees en waardering.

  5. Marie Bredenkamp :

    Ekskuus! Ek is gek na hierdie een: voel of ek op die dek wil sit en hom in die naglug prewel…