Nuwe Publikasie: Verslag (Clinton V du Plessis)

Verslag

Clinton V du Plessis

Hierdie “Verslag” is die digter, Clinton V du Plessis, se tiende en laaste Afrikaanse digbundel. Hy besin oor sy lewe, en lewer in drie afdelings, getiteld Lewe, Werk en Dood, kommentaar op ʼn bestaan in hierdie land. (Roepman Uitgewers, 2019, R200,00, Sagteband, 228mm x 152mm ISBN 978-0-620-83540-4, pp 128.) Die bundel kan by  clintonvduplessis@gmail.com bestel word.

O, droewe en wye land

.

Kyk, Poppie (3), gee weer voor sy is dood beweer

 hy onder eed:

“dit het minstens 20 keer gebeur.”

Michael  (5),

het gespartel, toe verdrink

in ’n puttoilet, op skool.

In die Manenberg,

dáár waar die gun rule,

was Clayton (12) in die pad

van ’n verdwaalde koeël.

Só kan ons aanhou tel

en vertel van die hel

om hiér net kind te probeer wees.

.

[Uit: Verslag, deur Clinton V du Plessis. 2019]

Bookmark and Share

4 Kommentare op “Nuwe Publikasie: Verslag (Clinton V du Plessis)”

  1. Trienke Laurie :

    Om een geval uit te lig en te bedig, meer te verewig, sal seker uiteindelik daartoe lei dat praktiese planne teen die vreeslike terreur van bendes teweeg te bring.

  2. Laaste Afrikaanse digbundel, Clinton?

  3. Clinton V. du Plessis :

    Ja, Daniel.

  4. Daniel Hugo :

    Nee man. Clinton!