Versindaba
~ ‘n Kollektiewe weblog vir die Afrikaanse digkuns ~

Marcelle Olivier

Carina van der Walt is gebore in Welkom op die Vrystaatse goudvelde. Sy  volg ’n akademiese opleiding aan die Puk (later die NWU) en ook die Katolieke Universiteit van Brabant  in Tilburg (tans die UvT). In 2004 cum sy haar M in ’n vergelykende studie tussen Afrikaanse en Nederlandstalige poësie. Tussendeur reël sy vier jaar lank ’n skrywerskompetisie (Enter Net Skrywerskompetisie, 2000 – 2003) vir die ATKV. Vir haar werk word sy bekroon met ’n Afrikoon van die ATKV. Sy word deur die Suid-Afrikaanse ambassade in Den Haag uitgenooi om op te tree en ’n poëtiese invulling te gee aan die  Vryheidsdagvieringe (2007) as Expert on Poetry. Sy tree op as simposium organiseerder namens die Stigting Lekoa-Vaal en die Universiteit van Tilburg in Tilburg in 2009. Hierdie internasionale simposium – South Africa in Transition - het die beste politieke analis vir nege agtereenvolgende jare uit Suid-Afrika, Allister Sparks, as hoofspreker gehad. Haar bande met die Suid-Afrikaanse letterkundige, kuns en kulturele wêrelde bly sterk. Sy deel dit graag met haar Nederlandstalige lesers en publiek.  Daarteenoor is die invloed en  blootstelling van verskillende Europese lande, kulture, tale  en denkwyses iets wat sy met groot entoesiasme aan Suid-Afrikaners uitdeel. Dit maak haar ’n beter Suid-Afrikaner en ’n beter wêreldburger.

Leon Retief het grootgeword in Wepener in die Vrystaat en word nog elke jaar groter. Hy het by Kovsies geswot en na ‘n kortstondige navorsingsloopbaan in biochemie het hy oorgeslaan na medisyne en gespesialiseer in narkose. Vir jarelank is hy werksaam as narkotiseur by ‘n hospitaal in Durbanville. Hy werk die afgelope twee jaar in Moose Jaw, ‘n dorp in die Kanadese prêrie. Hy meen dat hy eintlik  niks weet van letterkunde nie maar hy het ‘n groot passie vir die digkuns. Ander belangstellings is evolusie, opera/lieder en motorsport. Hy is getroud met Lesli Hulle oudste dogter Liezl is in 2001 oorlede en hul jongste dogter Lenore woon in Johannesburg.

Egonne Roth het  in die Boland groot geword. Sy het haar skoolloopbaan op Worcester begin en op Stellenbosch in maatskaplike werk graad gekry, maar haar liefde vir kuns, musiek en letterkunde, veral Shakespeare, het sy op Herschel in Claremont, waar haar moeder hoof van die laerskool was, ontdek. Nadat sy in 1975 getroud is, het hulle op baie plekke gewoon - Oudtshoorn en Kaapstad, Bothaville en Nelspruit, en tussenin nog twee jaar in Skotland. Egonne ontdek egter haar ware tuiste in 2002 aan die noordkus van Israel. Egonne en haar vrou werk as Engelse onnies aan twee verskillende kolleges, maar hul groot liefde is reis en fotografie wat dikwels die inspirasie gee vir dit wat Egonne oor skryf. In Israel het Egonne haar in veral die Holocaust-letterkunde - fiksie sowel as memoir -  begin verdiep. Dit lei tot ‘n belangstelling in „life-writing” en tans werk sy aan ‘n biografie van Olga Kirsch, die Joods Afrikaanse digteres.