willem fransman

Willem Fransman

Willem Fransman

Willem Fransman jr. skryf in feitlike elke genre en is al beskryf as ’n Renaissance-man.

In 1997 is hy die eerste wenner van die RSG/Sanlam radiodrama-kompetisie met Om te bedel is ’n kuns. Ander opdrag-radiodramas is Die belofte in ’n skilpaddop (die verhaal van Sarah Baartman in die vreemde) en Martelaar van Calvinia (verhaal van die bruin versetleier, Abraham Esau, gedurende die Anglo-Boereoorlog.)

Die volgende dramas uit sy pen is al by kunstefeeste opgevoer: Om te bedel is ’n kuns (1999), Die mense van Langesaan (2000), Leipoldt soos nog nooit vantevore (2004-opdragwerk), Ma se melk (2005) en Paljas van Dirk Ligter (2006-opdragwerk).

Fransman is ook ’n grafiese kunstenaar, rubriekskrywer vir Die Burger en Kaap Rapport, kortverhaalskrywer, digter en storieverteller. Hy is ’n stigterslid en tans nasionale voorsitter van die Afrikaanse Skrywersvereniging.  Luister na ‘n video-greep van ‘n voorlesing tydens Versindaba 2007.

 

 

Virrie taal, innie taal

 

Ou pellie,

djy dink die taal gat ve’dwyn,

extinct raak ampe soes’ie dinosour,

soelat ôse kinnes se kinnes se laaitjies

ééndag ’n anne taal sil praat!

 

Am I right?

Issit soes djy argue?

 

Nei, ou pellie,

kô lat ôs ôse kant bring:

 

Maak ’n plackard,

staan oppie street corner … en

shout:

 

Shout

virrie govermint.

Shout

virrie teachers.

Shout

virrie press.

Shout

vi allie poets en writers wat

net soe wil sit en moan.

Shout

soema virrie wife’ie

offie girlfriend oek,

while you’re at it!

 

En as djy klaa geshout het …

loep sit dan op djou gat, pellie,

en skryf ’n poem

virrie taal,

innie taal …

Dja, skryf ’it ôse township Afrikaans,

 

asseblief, pellie.

 

 

Uit: Versindaba 2007, Marlise Joubert [samesteller], Protea Boekhuis, 2007

Bookmark and Share