Posts Tagged ‘Gisela Ullyatt gedigte’

Gisela Ullyatt. Gedig in vibrocrete

Wednesday, February 1st, 2017

Gedig in vibrocrete

 

Ek:

vroeëperske-bloeisel,

bespieder van vibrocrete heinings;

die bure se boomlose jaart.

Hulle hond howl soos Ginsberg

sonder ’n beat.

Geen kaddisj opgedra

aan die ontwaterde son nie.

Eerder ’n venynige wiegelied.

 

Heilige Here van laerskooldae:

kap my boom nie af nie.

Hoor my pleidooi in kwynende onskuld.

In takke na-droom-dink ek in ekstatiese lig

want wonde ook bome,

hulle dreunsing vir duiwe van ’n ander kleur.

 

Heilige God, if you happen to listen

laat my alles afsterf.

Verlos my en die brak van ons vibrocrete dae.

 

© Gisela Ullyatt / 2017

 

Gisela Ullyatt. voor ek vertrek

Tuesday, March 29th, 2016

 

 

voor ek vertrek

 

voor ek vertrek

wys my die grys

 

omtes van jou hart

die oneindigheid

van silwer

 

voor ek vertrek

tem my doringvelde

met origami-voëls

 

harakiri die stilte

in my

 

voor ek vertrek

 

© Gisela Ullyatt. 2016