Posts Tagged ‘Ons Klyntji’

Hannalie Taute. Die boom van……

Saturday, January 11th, 2014

'n Bladsy uit die boek: "How to be an explorer of the world" deur Keri Smith
 

Ek probeer ten minste een keer ʼn maand ‘n inskrywing doen vir Versindaba.  Desember het gekom en gegaan.  Oorspronklik wou ek ʼn inskrywing doen oor Claudette Schreuders en Michaelangelo, omdat ek behep was met Antjie Krog en die boek “The Sistine Secrets”, maar o wee, ons rekenaar besluit om in te gee.  Miskien doen ek later die oorspronklike inskrywing, maar intussen het ek versot geraak oor bome.

Desember vakansies laat my met heimwee oor familie en moedernatuur.  My seuntjie het begin leer om fiets te ry, en ons oefen daagliks in die ‘Tuin op die Brak”.  Dit is hier waar ek die volgende raakloop/ raaklees:

en

Intussen neem ek die boek “Insekgedrag menslik betrag” deur Erik Holm by die biblioteek uit.  Die boek laat my dink aan Willem Anker se boek getiteld Siegfried.   ʼn Paar dae later lees ek hierdie skrywe van hom in Ons Klyntjie November 2007 raak:

die tirannie van woude, of: hoekom dit sinmaak om reënwoude so spoedig moontlik wortel en tak plat te fok – Willem Anker

bome is wreed met ons.

Ek hoor hulle sadistiese gekȇkkel tussen die voëlneste en dooie blare

As hulle kyk na ons oopbek-onbegrip: dat hulle langer as boeke kon staan

Maar dan nie gil teen die byl

Of self ʼn wapen uit ʼn versteekte tak ruk en die man met die lem morsig onthoof nie,

Maar net roekeloos

Stil, hoër op

Groei

En weier om te dink aan die metafisika van ʼn kettingsaag.

Nou ja liewe vriende….my wens vir die jaar vir julle is om bome te geniet en te waardeer.

bladsy uit die boek: “How to be an explorer of the world”, deur Keri Smith

Hannalie Taute. Binneblik se visblik

Monday, August 5th, 2013

Met uitpeul oë en verwondering beskou hierdie viswyf die wêreld deur die kuberruimte en staar uit oor die stille waters.   Waar sal haar opwinding vandaan kom? Deesdae  bestaan haar opwinding uit die vangs van blaasoppies by die hawemuur saam met haar gesin.

 Nie dat sy kla nie!

By die hawe sit sy en dink oor alles wat sy lees en moontlik misloop:

“Specimen” 2013 deur Walter Oltmann. Ink, bleikmiddel en olie op papier

Onlangs was daar ʼn uitstalling van Walter Oltmann by die Goodman Gallery in Johannesburg.

Sy sou haar linker vin wou gee om dit in lewende lywe te sien.

Oppikoppi vind ook een van die dae plaas. Miskien sal sy van haar skubbe kan prysgee om daar te wees?

By Oppikoppi word ‘ons Klyntji’ versprei.

Die Afrikaanse “zine”: Ons Klyntji

Die gesprek (sien hier ) tussen haar en Sjaka kan tussen die bladsye gevind word.

Die Openbookfest vind plaas in September, maar meer hieroor in n volgende insetsel.

Vandag het n vriendin vir haar van die Soiree vertel.  Wat n opwindende projek.  Toni Stuart, Toast Coetzer, en Nathan Trantaal, saam in een sitkamer klink gesellig.  Daarvoor sal sy n visoog afstaan met die hoop dat dit werk, net die idée maak haar opgewonde.   Die stelling van “you have to know someone who knows someone” op die webwerf, mag dalk problematies wees, maar deesdae ken almal mos vir almal of hoe?

“lizards” Deur Toast Coetzer 

through the city we walk like ghosts
in the absences of one another
without shadow or sound
our memories and thoughts
occupied elsewhere
bridled by friends and work
and traffic and the news
and a cloud in the sky
or a wave holding its pose
but when we face each other for a moment
when the surprise slices us open
and all the things we know
run out of our eyes
and back into the other’s lungs
like the air from a long locked-up library
then we retreat into our crevices
like lizards
and the sun slips across dust
and we realise we have lost
the use of our hands
and that our tongues
have been dissolved
by all the silence
all the stone