Ek het toevalling in Oudtshoorn verby RSG se verhoog gestap toe Karen Zoid daar opgetree het. Sy het ʼn pragtige weergawe van Leonard Cohen se “Hallelujah” gesing, asook ʼn nuwe, hartseer verwerking van “Afrikaners is plesierig”
Die vertoning is lewendig oor die radio uitgesaai en ʼn omroeper wou van haar weet of sy iets vir die luisteraars wil sê. Sy’t ʼn oomblik geaarsel en sê toe almal moet gaan stem, spesifiek vir die DA of COPE.
Nou sien ek Zinkplaat en Van Coke Kartel gaan ʼn gig ter ondersteuning van die DA speel.
Is dit ʼn goeie idee as musikante so direk by partypolitiek betrokke raak? Ek wonder maar net…
Gelukkig sit digters nie met dieselfde probleem nie. Wie gaan in elk geval nou luister?