Dankie vir kamers vol woorde
Engemi
Ek het altyd vermoed, as ek eendag daarin sou slaag om my weg uit die plaas in die bos oop te beur
en die wiele sonpad see toe vind, sou ek ‘n nuwe wêreld ontdek, selfs ‘n onbekende planeet;
en ek het. Wat ‘n vreugde: ‘n hele werf met ‘n versehuis en kamers vol woorde . . .
Ek volg elke skakel, maak vir my ‘n ketting van louter genot.
Miskien sou ek dit in die bos ook kon vind maar die son en see en wind was eers nodig
om als oop te bind
Ek sê sommer dankie vir elkeen wat bydra en my vreugde gee
en aan Marlise en Louis; julle is superieure aanhitsers
Viva die Digterlike Woord in al haar vorme in Afrikaans
Groetnis
engemi
