Die evangelie volgens David Baker

David Baker

David Baker

Uiteraard word dit van my vereis om nogals heel dikwels die kuberruim te deurkruis op soek na bruikbare items vir elke oggend se Nuuswekker. En ja, ‘n mens se oog raak nogals vernuftig in die proses van gryplees ten einde die mees belangrike, of bruikbare, brokkies raak te sien. Maar soms gebeur dit tog dat jou oog dit onkant waag en meteens tref iets in ‘n totaal onbelangrike artikel of berig jou en dan voel dit inderdaad asof jy jou ure reeds in ‘n donker kamer bevind en dan kom iemand ingestap en skakel die ligte aan.

Presies só ‘n ervaring was die onderhoud met ene David Baker op die webblad Bookslut. (Blykbaar is Baker ‘n bekende digter uit die Amerikaanse Midweste en boonop die poësie-redakteur van die wonderlike Kenyon Review. Ook veral bekend vir landskapsverse.)

Nietemin, hieronder volg ‘n paar van die treffende uitsprake wat hy tydens die onderhoud gemaak het:

Oor die vraag oor hoekom hy gedigte skryf: “I write from a very vivid and sort of bipolar combination of inward and outward necessities. Writing gives me access, or gives me words for, an interior world of emotions and thoughts and music that I wouldn’t have otherwise; I mean, writing poetry does that. But writing poems also gives me a connective presence; poetry is language, and language’s use is to reach out and connect, to say something to someone. Both of those impulses, inward and outward, are especially intense in poetry.”

Oor hoe ‘n gedig vir hom tot stand kom: “After I have the first impulse for a poem, I take notes and memorize and plan, but do not start the poem. I wait. I stew, study, think; by the time I actually sit to write, I know the first several lines by heart and also have a sense of the line and line-break and structure of the syntax. Of course, those often change later. But I wait. I also will fold in the start of one poem with the start of another, or the material of one in the material of another, making one poem from the impulses of several. I like that kind of collision or friction. What is the first impulse? Sometimes a musical phrase, a tone of voice, an intonation.”

Oor die kwessie van liriese poësie en narratiewe poësie (Ja, dié debat woed inderdaad wêreldwyd!): “I’m not one of those folks who sees a poem as either lyric or narrative. I think all good poems are always both lyric and narrative, and can be loosely identified or placed along a continuum defined by those poles. A poem had better have a rich set of lyrical values; and all poems, all language, are narrative in some abbreviated or extended way. Grammar itself is narrative – time passes, things happen, whether that amount of time is tiny or huge, and whether its depiction is linear or fractured or multiply-layered. The relationship of subject to predicate is narrative.

Mmm, nou ja. Beslis is dit die moeite werd om die volledige onderhoud op Bookslut te lees.

***

Vanweë die Woordfees, wat gisteraand ten einde geloop het, het dinge ietwat agterweë gebly op die webblad. So is die enigste nuwe plasing op die webblad ‘n essay deur Daniel Hugo oor Villa Hellebosch wat enkele jare gelede op LitNet verskyn het.  Hierdie essay is veral vanweë die vertaling van ‘n Erik Menkveld-gedig van belang.

Maar sjoe, watter baldadige fees was die Woordfees nie … Veels geluk aan al die organiseerders. En dankie aan almal wat kom dagsê het by die winkel veral aan diegene wat ‘n besoek aan die stoep met sy prieël in Die Boord by hul skedule kon inpas.

Nou moet daar met mening uitgerus en opgevars word, want die KKNK lê óók nog voor …

Mooi bly en geniet die week wat op hande is.

LE

 

Bookmark and Share

5 Kommentare op “Die evangelie volgens David Baker”

  1. Evette Weyers :

    Hi Louis
    Dankie vir die heerlike inset oor hierdie digter, veral ook omdat jy onmiddellik toegang gee tot die hele onderhoud. Julle is net die opwindendste webwerf; ‘n ware smorgasbord van poësie, data oor digters en die digkuns en julle vang die “gons” in die kreatiewe wêreld op. Ek voel asof ek inskakel en luister na ‘n grenslose heelal van kwaliteit kreatiwiteit.
    evette

  2. Louis :

    Ai, Evette. Vanoggend is jou vriendelike woorde hierbo omtrent soos salf op wonde …
    Mooi bly en ons beplan ‘n paar lekker verrassings binnekort. So, hou aan met kort-kort lees.
    Louis

  3. Daniel Hugo :

    Watter wonde, Louis?

  4. Louis :

    Maar net by wyse van spreke, Daniel. Na ‘n bedrywige week soos verlede week wil ‘n mens amper in Opperman se woorde sê: “God droom met dinamiet / en laat aan die arbeiders die besonderhede en verdriet.” Dis maar die gewone proses van oprekening en afrekening wat nou op hande is, en dié balansstaat klop nie altyd sonder wroeg en sweet nie. 🙂

  5. Johann :

    Solank jy nie die rekenmeester vrees nie. Dan eerder maar sjokola-papiertjies gryp & vou…

  •