Keith Richards se groot droom …

Richards tussen sy boeke

Keith Richards tussen sy boeke

Nou ja, toe. Wat droom hardebaard rock & rollers van om te doen na hul die dag bereik wat hulle vingers te krom en vol eelte is om die snare te tokkel; daardie dag wanneer aftrede meer word as ‘n woord om grappenderwys na te verwys? Wel – in die geval van Keith Richards, legendariese kitaarslaner vir die Rolling Stones, gaan dit die geleentheid wees om sy langekoesterde droom te realiseer, naamlik om ‘n bibliotekaris te word …

Volgens ‘n berig op The Times Online het Richards sy ganse lewe nog ‘n ongebreidelde passie vir boeke en beslaan sy eie, persoonlike versameling meer as ‘n duisend titels. Die 67-jarige kitaarspeler het glo wel op ‘n stadium probeer om sy boeke volgens die welbekende Dewey-sisteem te orden, maar hy het dit toe blykbaar te veel van ‘n beslommernis gevind en toe maar eerder sy gunstelingboeke byderhand gehou en die res laat stof vergaar op die agterste rakke van sy herehuis in Sussex.

Volgens sy outobiografie, Life, wat in Oktober in die handel beskikbaar sal wees, beoog hy nou om vir professionele opleiding in Biblioteekkunde te gaan, ten einde sy boekery onder beheer te kan bring. Ook is hy van voorneme om dan ‘n goedgeordende, professionele uitleenstelsel aan vriende en gemeenskap te bedryf.

Toe hy gevra is na waar sy passie vir boeke dan vandaan kom, het hy soos volg geantwoord:  “When you are growing up there are two institutional places that affect you most powerfully: the church, which belongs to God, and the public library, which belongs to you. The public library is a great equaliser.”

*** 

By “Wisselkaarten” kan jy vanoggend Edwin Fagel se tweede brief aan “O” lees. Dié brief handel steeds oor die vraag na “die” werklikheid in teenstelling die werklikheid van die gedig. In die Brieweboks het Carina Stander haar bydrae tot vandeesmaand se Blogfokus gelewer.

Ten slotte kan ek net noem dat ons gister die meeste besoeke tot nog toe op die webblad ontvang het; baie dankie aan iedereen wat so lustig rondgelees het. Nie net stem dit ‘n mens dankbaar nie, maar dit motiveer jou ook om aan te gaan met ‘n projek wat soms meer lyk na ‘n windmeul op ‘n winddroë vlakte wat weer en weer bestorm moet word …

Lekker lees aan alles. Vir jou leesplesier plaas ek vanoggend die Rolling Stones se bekende liriek “As tears go by” hieronder.

Mooi bly.

LE

 

As Tears Go By

It is the evening of the day,
I sit and watch the children play.
Smiling faces I can see, but not for me,
I sit and watch as tears go by.

My riches can’t buy ev’rything,
I want to hear the children sing.
All I hear is the sound of rain falling on the ground,
I sit and watch as tears go by.

It is the evening of the day,
I sit and watch the children play.
Doin’ things I used to do they think are new.
I sit and watch as tears go by.

 

(c) Keith Richards & Mick Jagger

Bookmark and Share

2 Kommentare op “Keith Richards se groot droom …”

  1. Andries Bezuidenhout :

    Louis, Marianne Faithfull se weergawes van bg. liriek is baie mooi.
    http://www.youtube.com/watch?v=FhPPJ5dolxU
    http://www.youtube.com/watch?v=Chz9u78fZyQ
    Ek hoop ouderdom en whisky doen dieselfde vir my stem. Dalk moet ek begin rook.

  2. Desmond :

    Om een of ander rede het ek gedink Faithfull het Beautiful People gesing, maar toe ek gaan soek sien ek dit was ene Melanie wat dit gesing het. Hier is die skakel:

  •