Een van die mees banale berigte wat ek in ‘n lang tyd op die internet te lese gekry het, is die volgende. Die aanloop nog dié gebeure is ‘n uitspraak wat Hojatoleslam Kazem Sedighi, ‘n sedebewaker in Iran kwytgeraak het in ‘n veldtog téén vroue wat met laehalsrokke en ‘n sekere mate van rondborstigheid méér tot gevolg het as die opjaag van mans se bloeddruk: “Many women who do not dress modestly… lead young men astray, corrupt their chastity and spread adultery in society, which (consequently) increases earthquakes,” het Sedighi glo gesê.
Nietemin, Jen McCreight, ‘n student aan West Lafayette, Indiana, in die VSA het toe besluit om ‘n veldtog van stapel te stuur om Sedighi se teorie te ontbloot vir die absurditeit wat dit is: “Sedighi claims that not dressing modestly causes earthquakes. If so, we should be able to test this claim scientifically,” het sy op Facebook geskryf. “On Monday, April 26, I will wear the most cleavage-showing shirt I own. Yes, the one usually reserved for a night on the town. I encourage other female sceptics to join me and embrace the supposed supernatural power of their breasts. Or short shorts, if that’s your preferred form of immodesty. “With the power of our scandalous bodies combined, we should surely produce an earthquake. “If not, I’m sure Sedighi can come up with a rational explanation for why the ground didn’t rumble.”
Volgens die berig het 30,000 vroue ingestem om haar voorbeeld te volg ten einde Sedighi tot verleentheid te tart.
Die gevolg?
Op Maandag, 26 April, die amptelike Boobquake-dag, tref ‘n aardbewing wat 6.9 op die Richterskaal geregistreer het, groot dele van Taiwan; iets wat die “boobquakers” inderhaas laat toeknoop het.
Nou ja, (maak) toe. Die volledige berig kan op FoxNews se webblad gelees word.
***
Nuwe inhoud op die webblad sedert Vrydag is Andries Bezuidenhout wat vertel van ‘n (sosialistiese) vergadering, Philip de Vos wat die laaste deel in sy reeks gedigte-met-foto’s geplaas het en Desmond Painter wat ons op nog twee gedigte uit sy droedelsak trakteer. By Nuwe Stemme is daar ‘n nuwe inskrywing deur Suzanne-Louise Bezuidenhout en in die vertaalkamers het Johann de Lange ‘n nuwe vertaling deur hom by Elizabeth Bishop se gedigte geplaas.
Ten slotte wil ek almal bedank vir die wonderlike inskrywings wat ons vir verlede maand se Blogfokus ontvang het. In totaal was daar 25 bydraes ontvang en om drie wenners aan te wys was inderdaad geen geringe taak nie. Uiteindelik het die beoordelaars hulle laat lei deur die tweedelige voorskrif van “eietyds” en “antwoord” op die (klassieke) bronteks. Andries Bezuidenhout is derhalwe aangewys as wenner, gevolg deur Jannie Malan en Gerrit Brand in die 2de en 3de plekke onderskeidelik.
Nogmaals dankie vir jul deelname. Mag hierdie weekvir almal ‘n besonderse belewenis wees …
Mooi bly.
LE
kleufie
heuwelsig
glybaan
tussen-die-tweeling
nog moontlikhede?
“Heuwelsig” sou seker nie deug vir “cleavage” nie? Dit moet maar liewer die naam van ‘n woonbuurt in Bloemfontein bly.
Sover weet ek van geen werklik geskikte Afrikaanse woord vir “cleavage” nie.
Ek het ‘n voorstel. Kom ons noem dit ‘n kleufie. Soos in die volgende sin: In die winter het die meeste vroue jasse en truie aan, sodat daar baie min aardskuddende kleufies te sien is.