Andries Bezuidenhout. Pelgrimstog Koue Bokkeveld toe

Op 23 Mei 1987 het David Goldblatt ʼn foto geneem van die NG Kerkgebou by Op-die-Berg in die Koue Bokkeveld. Dis waarskynlik afgeneem as ʼn voorbeeld van die argitektuur van die hoogbloei van Afrikanernasionalisme. Op die foto kontrasteer die kerk se strak lyne met die berge in die agtergrond.

ʼn Rukkie gelede kuier ek saam met my jonger broer se skoonfamilie op ʼn plaas naby Van Wyksvlei. Van my broer se vriende kom loer ook in, waaronder ʼn argitek wat sopas verby Op-die-Berg gery het. Hy wys vir ons foto’s van die einste NG Kerkgebou. “Pure Frank Lloyd Wright,” sê hy vol verwondering. Dis pragtige foto’s.

Vanaand vlieg ons Kaap toe, deels om ʼn draai te maak by hierdie merkwaardige gebou. Hoe vreemd is my lewe nie. Ek pak ʼn pelgrimstog aan om ʼn kerkgebou in die Koue Bokkeveld te besigtig. Kan die bakstene, glas en hout ‘n paar tergende vrae beantwoord?

Bookmark and Share

Een Kommentaar op “Andries Bezuidenhout. Pelgrimstog Koue Bokkeveld toe”

  1. Bring ‘n sambreel, Andries!

  •