Andries Bezuidenhout. Oopmond, langs Lyttelton se treinspoor

Ek het hierdie foto by Liezl Steffens gesteel, uit Oopmond se Facebook-biblioteek. Vir die rekord: Ons het verlede Saterdagaand, 14 Augustus 2010, nog ʼn Oopmond by Steak & Ale in Lyttelton gehou. Dis ‘n poetry slam met ‘n verskil, want die gedigte word op die plek getoonset ook. So ontstaan twee nuwe songs by elke geleentheid. 

Heel voor sit Emile Swiegers van die Tuindwergies, wat sopas ʼn buiging by Oppikoppi gemaak het. Agter, van links na regs, is Melt Sieberhagen, Dawie de Jager (ook van die Tuindwergies), Ronel Nel, Nardus du Plooy (van die Kaalkop Waarheid), Johannes Prins, Rene Bohnen, Johannes van Jerusalem, Jaco Lotter (ook van die Kaalkop Waarheid), Niel van Deventer en ek, met die wynglas in die hand en die hartseer uitdrukking onder die National Union of Mineworkers-pet.

Dis die eerste keer dat een van my pogings getoonset is – deur Emile en Dawie van die Tuindwergies – en ek is heeltemal stomgeslaan oor wat hulle daarmee kon doen. Ek skat as die Oopmond-span genoeg nuwe komposisies het, moet hulle ʼn CD opneem.

Ek dink die volgende een vind op 23 September om 18:00 in Nelspruit se stadsaal plaas.

Bookmark and Share

3 Kommentare op “Andries Bezuidenhout. Oopmond, langs Lyttelton se treinspoor”

  1. Louis :

    Andries, op LitNet het Annie Klopper pas haar verslag oor Oppikoppie (met foto’s) geplaas. Die skakel is: http://www.litnet.co.za/cgi-bin/giga.cgi?cmd=cause_dir_news_item&cause_id=1270&news_id=91415&cat_id=1536
    Oor “Oopmond” – dit is waarskynlik die eerste (en mees beduidende) geleenthede waartydens Afrikaanse digters en musici op só ‘n daadwerklike wyse handevat … Welgedaan! En jou voorstel van ‘n CD is ‘n goeie een, beslis.

  2. Andries Bezuidenhout :

    Louis, dankie vir daai link na Annie se verslag en foto’s!

  3. Ronel Nel :

    Skies ek val nou so laat in, maar Andries. Daai gedig van jou oor Leica was ongelooflik. En Daaf-hulle het dit SO mooi getoonset.
    As Versindaba wil saamspeel, bring ons daai CD saam uit – MET ‘n bundel van al die impromtu-gedigte oor die afgelope klomp Oopmonde!

  •