Russiese regering probeer bloggers aan bande lê

Russiese internetkafee

Russiese internetkafee

Luidens ‘n berig op SpiegelOnline wil dit voorkom asof die Russiese regering toenemend ongemaklik raak met die prominensie en gewildheid van die internet-verbruik in Rusland. Statistiek wat deur Yandex (Rusland se Google-ekwivalent) verskaf is, dui daarop dat ‘n totaal van 60 miljoen Russe daagliks die internet gebruik; 15 miljoen meer as wat dit verlede jaar die geval was. Verdermeer bedryf meer as 50% van internetverbruikers in Moskou ‘n eie blog. (Die landswye totaal vir Russiese blogs tans is glo 7.5 miljoen!)

Die bekommernis vir die regering is dat ‘n beduidende persentasie van dié bloggers die regering nie goedgesind is nie en deurentyd kritiek en degraderende kommentaar op hul blogs plaas. Voor in dié koor is ‘n man genaamd Rustem Adagamov (48) wat ‘n blog bedryf wat daagliks 600,000 besoekers ontvang; ‘n statistiek wat wys dat sy blog deur meer mense gelees word as wat die daaglikse sirkulasie van ‘n gemiddelde Moskouse koerant is.

Ironies genoeg het die Russiese president, Dmitry Medvedev, nou ook sy toevlug tot die internet geneem; uiteraard met ‘n eie blog en ook die gebruik van Twitter. Volgens Spiegel se beriggewing word die president se entoesiasme jeens die internet en die moontlikhede daarvan egter nié deur sy kollega’s gedeel nie: “Although Medvedev calls for ‘openness at all levels’ from his government and Russian authorities, many among the country’s power elite view this as taking things a bit too far – especially when it comes to the Internet. Medvedev’s own chief of staff, Sergei Naryshkin, recently called a meeting in response to a writer at Gazeta.ru who had laid into Putin and Medvedev because she was upset about how their motorcades were blocking traffic.”

Medvedev se siening is dat inligtingstegnologie die vernaamste sleutel in die vestiging van ‘n demokratiese bestel is en dat die internet die belangrikste hulpbron is in die daarstel van hierdie primêre doelstelling, naamlik die modernisering van die Russiese gemeenskap, wat uit 142 miljoen mense bestaan, omrede  “information technology the key to the development of democracy” is en die “Internet the most important resource  in reaching this primary goal: modernizing this massive nation.”

Hy word egter heftig teengestaan deur Robert Schlegel. Ek haal aan: “One of Russia’s sharpest-tongued opponents of online freedom is Robert Schlegel, 25, a member of parliament for Prime Minister Vladimir Putin’s United Russia party. Schlegel is working on a new Internet law that would introduce a type of electronic passport for every user, which would make it easier to monitor Internet usage. Last year, Schlegel even suggested allowing newspapers to be shut down for ‘defamation’ and lobbied for a strict limit on the proportion of foreign films shown in Russian movie theaters, in the belief that: ‘Many media sources abuse their freedoms’.”

So, dit wil voorkom asof die Russiese regering hom by ‘n kruispad bevind: of hulle volg die voorbeeld van die dekadente Weste, of hulle volg die voorbeeld van Sjina met sy vergryp aan basiese menseregte en vryheid van segging. (Mmm, en binne enkele maande kan hulle maar na ons eie regering kyk vir nog ‘n voorbeeld van staatsingryp op inligtingsbeheer en vrywaring teen kritiek, hoor ek die meer siniese onder ons grom  …)

Ag, nou ja. Hoe meer dinge verander, hoe meer bly dit dieselfde. Of hoe?

***

En na die flinke aanloop tot die week is daar vanoggend geen nuwe bydraes om aan te kondig nie …

So, sit agteroor, klik rond en haal in op jou agterstallige leeswerk.

Mooi bly.

LE

 

 

Bookmark and Share

Comments are closed.

  •