Andries Bezuidenhout. ‘n Droedel uit Johannesburg

SARA BESOEK SUID-AFRIKA VIR HAAR PA SE BEGRAFNIS
(gebou uit gesteelde skerwe sms en vertaalde liriek)

maak my dood sara, maak my weer dood met liefde
op die lughawe, soek
jou boek tevergeefs
ek voel my geluk kan draai
yes, was vinnig hier
vir my pa se
begrafnis. spyt my dit was so kort
dit gaan ʼn wonderbaarlike dag wees
was ʼn mooi
begrafnis
red my uit die vliegramp red my uit die wrak
toe ek dit gehoor
het, het ek heeldag
Radiohead geluister
ons staan by die afgrond
want toe ek jou van
ʼn RH konsert geteks
het, het jou pa pas
gesterf
die staatshoof roep my naam
maar ek het nie tyd vir jou nie
RH is nou vir
my begrafnismusiek
ons staan op die afgrond ons staan op die afgrond

 

Sien “Lucky” op Radiohead se OK Computer

Bookmark and Share

12 Kommentare op “Andries Bezuidenhout. ‘n Droedel uit Johannesburg”

  1. Desmond :

    Alex Ross (ek het voorheen ‘n blog geplaas oor sy briljante boek The Rest is Noise: Listening to the Twentieth Century) het ‘n baie goeie essay oor Radiohead in sy nuwe boek, Listen to This. Ross probeer in die boek doelbewus deur musikale grense breek, so ‘n essay oor Schubert word deur een oor Radiohead gevolg; een oor Mozart deur een oor Bjork. En so aan. Ek beveel Ross baie sterk aan!! In elk geval, dit was vir my interessant om te lees hoe baie Radiohead van die Franse komponis Messiaen se werk hou. Ek het onlangs Messiaen begin luister; wil nou sommer weer RH ook luister.

    O ja, en ek hou van joiu droedel.

  2. Andries Bezuidenhout :

    Dankie Desmond! Ek sal ‘n plan moet maak om Ross te lees en na Messiaen te luister. Maar dalk moet ek eers leer om Messiaen uit te spreek!!!

  3. Ek spreek dit soos volg uit: Messy Haan. Dan probeer ek ook die ‘n’ aan die einde half gesofistikeerd insluk. Dis dalk heeltemal verkeerd, maar dit voel vir my Franserig… 🙂 Jy kan sy ‘Quintet for the end of time’, wat hy in ‘n Franse konsentrasiekamp geskryf het vir die instrumente wat beskikbaar was in die kamp, oral optel vir goedkoop; daar’s ‘n goeie budget een op EMI encore, met sy vrou, Yvonne Loriod, op klavier. Sy is laasjaar oorlede. Ek het ook sy soloklavierwerke Vingt regards sur l’enfant-Jésus en Catalogue d’oiseaux onlangs aangeskaf. Moeilike maar fassinerende musiek. Radiohead hou glo van sy Turangalila Symphony; ek het dit nie maar gaan dit bestel.

  4. Johann Lodewyk Marais :

    Olivier Messiaen (1908-1992) is ‘n fassinerende komponis en heelparty van sy komposisies is deur voëlgeluide geïnspireer. Messiaen “found birdsong fascinating, believed birds to be the greatest musicians, and considered himself as much an ornithologist as a composer. He notated bird songs worldwide and incorporated birdsong transcriptions into most of his music. His innovative use of colour, his conception of the relationship between time and music, his use of birdsong and his desire to express religious ideas are among features that make Messiaen’s music distinctive” (Wikipedia).

  5. Desmond :

    Hallo Johann, ek het toevallig nogal gedink jy sou sy gebruik van voëlgeluide interessant vind. Die “Catalogue d’oiseaux” (Katalogus van voëls), waarna ek onlangs begin luister het, is goed 3 ure se klaviermusiek geïnspireer deur verskillende voëlgeluide. Alex Ross, na wie ek hierbo verwys, skryf baie insiggewend oor Messiaen in sy The Rest is Noise — veral oor sy opera “St Francis of Assisi” (1975-1983) en sy groot orkeswerk “From the canyons to the stars…” (1971-1974). Ek wil ook nog sy orrelkomposisies in die hande kry. As ek reg onthou was hyself lank orrelis in Parys. Terloops, ek verwys verkeerdelik hierbo na “Quintet for the end of time”; dit is “Quartet for the end of time”, vir viool, tjello, klavier en klarinet.

  6. Johann Lodewyk Marais :

    Toe ek ‘n keer in die Laeveld was, het ek Messiaen vroeg een oggend buite my tent fluit hoor speel. Toe ek buite kom, het hy vinnig agter ‘n jakkalsbessie ingespring en verdwyn. Ek sou hom graag wou ontmoet.

  7. Pieter Odendaal :

    Desmond, ek het na aanleiding van jou post oor Messaien die man se musiek gaan opsoek en is op die oomblik besig om na sy quartet for the end of time te luister. Moeilik, maar vervullend. Tensy jy erg teen piracy is, gaan kyk ‘n bietjie na thepiratebay.org. Hier kan jy redelike goeie opnames van byna enigiets in die hande kry. Messaien se orrelwerke is daar beskikbaar.

  8. Bibi :

    Andries, baie inspiroedelende droedel! Tensy jy erg teen plagiaat is gaan ek dit op my desktop paste en maak of ek dit geskryf het, tot ek voel ek kan so skryf… en dan sal ek dalk kan, as my double reverse backflip psychology sy ding gedoen het.

  9. Andries Bezuidenhout :

    Bibi, moenie met my spot nie. Dis mos reeds ‘n stuk plagiaat! 🙂 Ek kan nie eers krediet vir meeste van die line breaks vat nie, siende dat die selfoon dit gedoen het. Ook swak vertaal hier en daar.

  10. Desmond :

    Lees hierdie uitstekende stuk oor plagiaat deur Stanley Fish:

    http://opinionator.blogs.nytimes.com/2010/08/09/plagiarism-is-not-a-big-moral-deal/

  11. Bibi :

    Spot, wat praat jy! Ek hou regtig van jou gedig. Miskien kan dit ‘n nuwe stroming wees om praatpoe”sie te rival: plagiaatpoe”sie!

    En ek spot eintlik met Pieter 🙂

    Desmond, die stuk oor plagiaat was baie interessant, wat van een oor piracy volgende?

  12. Desmond :

    Bibi, in een van sy minder bekende liedjies sing Anton Goosen: “Die seerower kom/ en die seerower brom/ ahoi, ahoi, ahoi.”

  •