Andries Bezuidenhout. Nostalgie in volkleur?

"Eternal Child" deur Irma Stern

Insiggewende onderhoud deur Elmari Rautenbach met Stephan Welz in By. Hulle gesels oor hoekom Irma Stern en Pierneef so goed verkoop. Welz aan die woord:

“As daar oor ’n kunstenaar gegons word soos nou oor Irma Stern, verkoop sy net meer. Ek het onlangs ’n verkoper gehad wat besef het die Stern in sy huis is dubbel die waarde van die huis. Sulke stories dra by tot die momentum… Natuurlik het dit ook te doen met smaak. Suid-Afrikaners soek kleur. (William Kentridge het vroeg al besef hy’s nie goed met kleur nie en spesialiseer in mediums sonder kleur. Hy verkoop daarom in die buiteland veel beter as hier.) Hulle soek olie op doek… En Suid-Afrikaners is nostalgies. Sowel Stern as Pierneef het daardie element…”

Tog dink ek William Kentridge het ook ʼn sterk nostalgiese invloed in sy werk – die teruggryp na swart-en-witfilm. Dalk eerder wrang nostalgie? Muizenberg se Art Deco hotel, vol vakansiegangers en diktators, beeste op die strand, mense wat in die vlakwater gedoop word. En Soho Eckstein wat in sy seilstoel op die Muizenbergstrand sit. Gaan kyk gerus na Tide Table hier.

Uit Kentridge se "Tide Table"

Bookmark and Share

Comments are closed.

  •