Andries Bezuidenhout. Gedig met stert

GEDIG MET ʼn STERT
(Vrye vertaling van ʼn gedig deur Orhan Veli Kanik, na die Engelse vertaling deur Murat Nemet-Nejat)

Ons kan nie saam gesien word nie. Ons paaie loop apart.
Jy behoort aan die slagter, ek is ʼn straatkat.
Jy eet uit ʼn vernikkelde bord.
Ek eet uit die leeu se bek.
Jy droom van liefde. Ek van oorskietbene.

Maar jou pad is ook nie maklik nie, tjom,
Nie maklik
Om elke godverlate dag stert te moet waai nie.

Bookmark and Share

2 Kommentare op “Andries Bezuidenhout. Gedig met stert”

  1. Joan Hambidge :

    dalk:

    om elke godverlate dag te moet stertwaai nie.

    Groete, Joan

  2. Andries Bezuidenhout :

    Dankie Joan. Dit werk beter.